Ebreus 11:37 - BIBLIA - traduson antigu in Krioulo

³⁷ E dadu ku pedra, e seradu na metadi, e matadu ku spada; e yanda bistidu ku kuru di karnel ku kabra; e seduba koitadis ku fadiga ku maltratu.

Ebreus 11:37 ပူးပေါင်းရင်းမြစ်များ

2 Samuel 12:31

I leba jinti ku staba la, i pui elis tarbaja ku seras, pikaretas ku mancadus di feru; tambi i pui elis pa e kumpu tiẑolus. Asin ki fasi na tudu prasas di fijus di Amon. Dipus Davi ku tudu tropas riba pa Jerusalen.

1 Reis 18:13

Talves jinti ka konta Ñu ke ku N fasi, oca ku Jezabel na mataba anunsiaduris di SIÑOR, manera ku N sukundi sen delis, sinkuenta sinkuenta, na dus kaverna, N sustenta elis ku kumida ku yagu.

1 Reis 18:4

Oca ku Jezabel na mataba anunsiaduris di SIÑOR, Obadias toma sen delis, i dividi elis sinkuenta sinkuenta, i sukundi elis na dus kaverna, i sustenta elis ku kumida ku yagu.

1 Reis 19:1

Akab konta Jezabel tudu ku Elias fasiba, ku manera ki mata tudu anunsiaduris ku spada.

1 Reis 19:10

I falal: “N pega tesu sempri na sirbi SIÑOR Deus ku ten tudu puder, ma fijus di Israel kebra se kontratu ku bo, e durba bu altaris, e mata bu anunsiaduris ku spada. N fika ami son, ma e na buska manera di matan tambi.”

1 Reis 19:13

Oca ku Elias obil, i kubri si rostu na si kapa, i sai fora, i firma na entrada di kaverna. Un fála bin pa el, i puntal: “Elias, ke ku bu na fasi li?”

1 Reis 19:14

I fala: “N pega tesu sempri na sirbi SIÑOR Deus ku ten tudu puder, ma fijus di Israel kebra se kontratu ku bo, e durba bu altaris, e mata bu anunsiaduris ku spada. N fika ami son, ma e na buska manera di matan tambi.”

1 Reis 19:19

Elias sai di la, i bai oja Eliseu, fiju di Safat, ku na labraba ku dozi junta di turu; el propi i staba ku ki ultimu junta. Elias pasa nunde el, i bota si kapa riba del.

1 Reis 21:10

Bo pui dus malandru pa e sinta si dianti, pa e testifika kontra el kuma i papia mal kontra Deus ku rei. Dipus bo lebal fora, bo dal ku pedras tok i muri.”

2 Reis 1:8

E falal: “I bistiba kamisa di kuru di limaria, i mara sintu di kuru na rabada.” Rei fala: “I Elias di Tisbe.”

2 Reis 2:13

I kuji kapa di Elias ku kaiba; i riba, i firma lungu di riu Jordon.

2 Reis 2:8

Elias toma si kapa, i dobral, i sutal riba di yagu. Yagu dividi pa dus ladu; elis dus e pasa na con seku.

1 Kronikas 20:3

I leba tambi jinti ku staba la, i pui elis tarbaja ku seras, ku mancadus ku pikaretas di feru. Asin ki fasi ku tudu prasas di amonitas. Dipus Davi ku tudu tropas e riba pa Jerusalen.

2 Kronikas 24:21

E bin filanta kontra el; rei da ordi; e bai matal ku pedras na kintal di kasa di SIÑOR.

Jeremias 2:30

N kastiga bo fijus na nada; e ka seta pa e kuriẑidu. Bo mata bo anunsiaduris ku spada suma lion ku tene fomi.

Jeremias 26:23

Elis e tisi Urias di Ejitu, e lebal pa rei Jeoiakin, ku manda matal ku spada; si difuntu botadu na kau di nteru di pobu.)

Zakarias 13:4

“Na ki dia, kada un di anunsiaduris na sinti borgoña di si vison ora ki na anunsia, nin i ka na bisti mas ki manta di kabelu tisidu, pa ngana jinti.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Mateus 21:35

Labraduris pega na kriadus, e da un pankada, e mata utru, e da utru ku pedras.

Mateus 3:4

Jon ta bistiba ropa di kabelu di kamelu tisidu, i ta mara sintu di kuru na rabada; si kumida seduba gamfañotis ku mel.

Mateus 8:20

Jesus falal: “Timbas tene se koba, kacus di seu tene se niñu, ma Fiju di omi ka tene kau di ngosta kabesa.”

Lukas 13:34

“Ai, Jerusalen, Jerusalen, ku ta mata anunsiaduris, bu ta da ku pedra kilis ku Deus mandau! Kantu bias ku N misti junta bu fijus suma ku galiña ta junta si pinton bas di si asa, ma bu ka seta!

Atus 14:19

I bin utru judeus di Antiokia ku Ikóniu ku konvensi ki jinti; e da Paulu ku pedra, e rastal pa fora di prasa, e kuda kuma i muri,

Atus 7:52

Kal anunsiadur ku bo papes ka pirsigi? Tok e mata kilis ku jumna konta kuma ki Algin Justu na bin, kil ku bo falsia, bo mata ne dias.

2 Koríntius 12:10

N ta sinti alegria na ña frakesa, na njuria, na falta, na pirsigison, na kasabi, tudu pa amor di Kristu. Ora ku N sta fraku, la ku N ta sedu mas forti.

Ebreus 11:25

I kuji pa sufri maltratu juntu ku pobu di Deus, te pa i goza puku tempu di sabura di pekadu.

Ebreus 13:3

Bo lembra di kilis ku sta prezu, suma ku bo sta prezu ku elis. Bo lembra di kilis ku maltratadu, suma ki pudi sedu na bo kurpu tambi.

Apokalipsi 11:3

N tene ña dus tustumuña ku N na manda. E na bisti saku, e na anunsia pa 1.260 dia.”