Ebreus 11:27 - BIBLIA - traduson antigu in Krioulo

²⁷ I fe ku pul i sai na Ejitu, i ka medi raiba di rei. I fika firmi suma kin ku na oja Deus ku ka ta ojadu.

Ebreus 11:27 ပူးပေါင်းရင်းမြစ်များ

Salmus 16:8

N pui SIÑOR sempri ña dianti; manera ki sta na ña direita, N ka na bulbulidu.

Saida 11:8

Na ki ora tudu bu ŝefis na bin pa mi, e na mpina ña dianti, e fala: ‘Sai, abo ku tudu pobu ku ta sigiu.’ Dipus di kila, N na sai.” Asin, ku garandi raiba, Moisés sai dianti di Faraó.

Saida 12:11

Bo na kumel ku panu maradu na rabada, ku bo sapatus na pe, ku manduku na mon. Bo kumel kinti-kinti; es ki Paskua di SIÑOR.

Saida 12:50

Tudu fijus di Israel fasi suma ku SIÑOR manda Moisés ku Aron.

Saida 4:19

Oca Moisés staba inda na Midian, SIÑOR falal: “Riba pa Ejitu, pabia tudu kilis ku na buskauba pa mata e muri ja.”

Mateus 10:22

Tudu jinti na nfastia bos pabia di ña nomi, ma kil ku fika firmi te na fin i na salba.

Mateus 24:13

ma kil ku fika fiel te na fin i ta salba.

Markus 13:13

Tudu jinti na nfastia bos pabia di mi, ma kil ku fika fiel te na fin i na sedu salbu.”

Markus 4:17

ma e ka tene rais fundu; e ka ta tarda. Si kansera bin, jinti lanta kontra elis pabia di ki palabra, ki ora e ta disvia.

Atus 2:25

Davi fala aserka del: ‘Sempri N ta ojaba Siñor ña dianti, pabia i sta na ña mon direita pa nada ka bulbulin.

1 Koríntius 13:7

I ta sufri tudu; si fe, si speransa ku si pasensa nunka ka ta kaba.

2 Koríntius 4:18

No ka na jubi na kusas ku ta ojadu, ma na kilis ku ka ta ojadu, pabia kusas ku ta ojadu na pasa, ma kilis ku ka ta ojadu ka ta kaba.

Kolosensis 1:15

Kristu i parsensa di ki Deus ku ka ta ojadu; i purmeru Fiju ku sta riba di tudu kriason.

1 Timótiu 1:17

Asin no da onra ku gloria pa tudu sempri pa Rei iternu, uniku Deus, ku ka na muri, ku ka ta ojadu. Amen.

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

Ebreus 10:32

Bo lembra di dias ku pasa. Na ki tempu, dipus ku bo risibi lus, bo fika firmi na garandi luta di kansera.

Ebreus 11:1

Fe i sertesa di kusas ku no na pera; i proba di kil ku no ka oja.

Ebreus 11:13

Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis di lunju, e fika kontenti ku elis, e konfesa klaru kuma elis i ospri strañu na tera.

Ebreus 6:15

Abraon pera ku pasensa, i yangasa kil ku Deus fala i na da.

Tiagu 5:11

No ta fala kuma kilis ku nguenta fadiga e sortiadu. Bo obi pasensa di Jo; bo oja fin ku Siñor dal, pabia Siñor ta sinti garandi pena ku miserikordia.

1 Pedru 1:8

Bo ka ciga di oja Jesus, ma bo amal. Bo ka na ojal gosi ma bo fia nel. E ku manda bo kontenti ku garandi alegria gloriosu ku ka pudi kontadu,