Ebreus 11:16 - BIBLIA - traduson antigu in Krioulo

¹⁶ ma e misti un tera minjor di ki kila, ku sedu na seu. E ku manda tambi Deus ka sinti borgoña delis, pa e comal se Deus, pabia i ranja elis un prasa.

Ebreus 11:16 ပူးပေါင်းရင်းမြစ်များ

Kumsada 26:24

Ki di noti SIÑOR bai pa el, i falal: “Ami i Deus di bu pape Abraon. Ka bu medi, pabia N sta ku bo. N na bensuau, N na buri numeru di bu jorson, pabia di ña servu Abraon.”

Kumsada 28:13

SIÑOR staba riba di ki skada, i falal: “Ami i SIÑOR, Deus di bu pape Abraon, Deus di Isak. E tera ku bu dita nel, N na dau el, ku bu jorson.

Saida 3:15

Deus fala mas ku Moisés: “Asin ku bu na fala fijus di Israel: ‘SIÑOR, Deus di bo papes, Deus di Abraon, Deus di Isak, Deus di Jakó, i mandan pa bos.’ Es i ña nomi pa sempri, es i ña lembransa pa tudu jorson na futuru.

Saida 3:6

I falal mas: “Ami N sedu Deus di bu pape, Deus di Abraon, Deus di Isak, Deus di Jakó.” Moisés kubri si rostu pabia i tenba medu pa oja ku Deus.

Saida 4:5

SIÑOR falal: “Es i pa e pudi fia kuma SIÑOR Deus di se papes, Deus di Abraon, Deus di Isak, Deus di Jakó, i bin pa bo.”

Jeremias 31:1

SIÑOR fala: “Na ki tempu N na sedu Deus di tudu jorsons di Israel; elis e na sedu ña pobu.”

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Markus 12:26

Kusa di mortus lanta, bo ka lei na libru di Moisés nunde ku Deus papia ku el na ki arvurisiñu ku na yardi, i falal: ‘Ami i Deus di Abraon, Deus di Isak, Deus di Jakó’?

Markus 8:38

Kin ku ten borgoña di mi ku ña palabra, na metadi di jinti mau i infiel ne mundu di aos, Fiju di omi tambi na ten borgoña del, ora ki bin na gloria di si Pape, ku si santu anjus.”

Lukas 12:32

“Ña karnelsiñus, ka bo medi, pabia bo Pape misti da bos renu.

Lukas 20:37

Moisés propi mostra kuma mortus na lanta, oca i sta pertu di ki arvurisiñu, i coma Siñor Deus di Abraon, Deus di Isak, Deus di Jakó.

Bon Noba di Jesus Kristu ku Jon 14:2

Kasa di ña Pape tene manga di moradia; si i ka asin ba, N na kontaba bos. N na bai purpara bos lugar.

Atus 7:32

‘Ami i Deus di bu papes, Deus di Abraon, Isak ku Jakó.’ Moisés fika i na tirmi, i ka osa jubi.

Filipensis 3:20

Ma anos, no prasa i na seu; di la ku no na pera Salbadur, Siñor Jesus Kristu, ku na bin

2 Timótiu 4:18

Siñor na libran tambi di tudu mal, i na leban salbu pa si renu na seu. Gloria pa el pa sempri. Amen.

Ebreus 10:34

Bo ta toma parti na sufrimentu di kilis ku staba prezu. Oca ku jinti toma bo kusas, bo sufri ku alegria, pabia bo sibiba kuma bo tene dentru di bos rikesa mas minjor ku ta tarda pa sempri.

Ebreus 11:10

pabia Abraon na peraba ki prasa ku Deus diseña, i kumpu, ku tene bon alisersu.

Ebreus 11:14

Kilis ku ta fala asin e mostra klaru kuma e na buska un tera pa elis.

Ebreus 11:40

pabia Deus, ku pensamentu na nos, i tenba un planu minjor, ku son juntu ku nos e pudi sedu pirfitu.

Ebreus 12:22

Ma bo ciga pa monti di Sion, pa prasa di Deus bibu, Jerusalen di seu, ku si manga di milyaris di anju

Ebreus 13:14

pabia li na tera no ka tene un prasa ku na fika pa sempri, ma no na buska kil ku na bin.

Ebreus 2:11

Asin, kil ku ta santifika ku kilis ku santifikadu e sedu di un mesmu Pape. E ku manda Jesus ka burguñu coma elis ermons.

Apokalipsi 21:2

Ami Jon, N oja prasa di Deus ku comadu nobu Jerusalen, ku Deus disinti di seu, pruntiadu suma noiva ku fajadu pa si noivu.