Ebreus 11:13 - BIBLIA - traduson antigu in Krioulo

¹³ Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis di lunju, e fika kontenti ku elis, e konfesa klaru kuma elis i ospri strañu na tera.

Ebreus 11:13 ပူးပေါင်းရင်းမြစ်များ

Kumsada 21:34

Abraon kontinua mora na tera di filisteus pa manga di tempu.

Kumsada 23:4

“Ami i stranjeru ku bin mora na bo metadi. Bo bindin un terenu ku pudi sedu simiteriu, pa N pudi ntera ña difuntu.”

Kumsada 25:8

I muri ku bon bejisa, un omi di idadi; i lebadu pa si pobu.

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

Kumsada 48:21

Dipus, Israel fala José: “Ami N na muri, ma Deus i na sta ku bos; i na fasi pa bo riba pa tera di bo papes.

Kumsada 49:10

Bingala di rei ka na sai na Judá, nin i ka na falta algin na si jorson ku na rena, te ora ku Siló bin, ku tudu nasons na obdisi.

Kumsada 49:18

“SIÑOR, N na pera bu salbason.

Kumsada 49:28

Esis i ki dozi jorson di Israel. Es i palabra ku se pape fala elis oca ki bensua elis. I da kada kin si propi benson.

Kumsada 49:33

Oca ku Jakó kaba da ordis pa si fijus, i rukuji si pes na kama, i da si folgu di kabantada, i lebadu pa si papes.

Kumsada 50:24

Dipus, José fala si ermons: “Ami N na muri, ma di sertesa Deus na bin juda bos, i na fasi pa bo sai ne tera pa tera ki jurmenta pa da Abraon, Isak ku Jakó.”

Jo 19:25

N sibi kuma ña Libertadur sta bibu; na kabantada i na lanta i firma na mundu.

Salmus 119:19

N sedu ospri na mundu; ka bu sukundin bu mandamentus.

Salmus 39:12

SIÑOR, obi ña orason; sukutan ora ku N na yalsa ña fála. Ka bu kala dianti di ña larmas, pabia N sedu suma ospri na bu kau, stranjeru suma ku tudu ña papes seduba.

Saida 2:22

I bin padi un fiju; Moisés pul nomi di Jerson, pabia i fala: “N sedu ospri na tera ki ka di mi.”

Sirmonias 25:23

“Tera ka pudi ba ta bindidu pa sempri, pabia i di mi. Abos bo na sedu ospris ku na mora la.

Numerus 10:30

Obab falal: “N ka na bai. N na riba pa ña tera ku ña parentis.”

Numerus 24:17

“N na ojal, ma i ka gosi; N na jubil, ma i ka di pertu. Un rei, suma strela, na sai di Jakó; un bingala di renansa na lanta na Israel. I na suta kabesas di Moab; i na kaba ku tudu fijus di Set.

Mateus 13:17

N na konta bos bardadi kuma, manga di anunsiadur ku utru omis di Deus e mistiba oja ke ku bo na oja, ma e ka ojal; e mistiba obi ke ku bo na obi, ma e ka obil.

Bon Noba di Jesus Kristu ku Jon 12:41

Isaias fala e kusas oca i oja gloria di Jesus, i fala aserka del.

Bon Noba di Jesus Kristu ku Jon 8:56

Abraon bo pape sinti garandi alegria oca N na bin; i ojan, i kontenti.”

Romanus 4:21

I tenba sertesa kuma, kil ku Deus fala, i ten puder pa fasil.

Romanus 8:24

No sta salbu pabia di speransa. Si no oja kil ku no na pera, i ka speransa ja, pabia kusa ku algin na oja, kuma ki na peral?

2 Koríntius 4:18

No ka na jubi na kusas ku ta ojadu, ma na kilis ku ka ta ojadu, pabia kusas ku ta ojadu na pasa, ma kilis ku ka ta ojadu ka ta kaba.

2 Koríntius 5:6

E ku manda no sta sempri animadu. No sibi kuma, nkuantu no mora ne kurpu li, no ka ta sta juntu ku Siñor.

Efésius 2:19

Asin bo ka sedu mas stranjerus na un tera strañu, ma bo sedu ja di un tera juntu ku pobu di Deus; bo pertensi familia di Deus.

Ebreus 11:14

Kilis ku ta fala asin e mostra klaru kuma e na buska un tera pa elis.

Ebreus 11:17

I fe ku pui Abraon, oca ki probadu, i pursenta Isak. El ku risibi purmesas i staba pruntu pa sakrifika ki uniku fiju,

Ebreus 11:27

I fe ku pul i sai na Ejitu, i ka medi raiba di rei. I fika firmi suma kin ku na oja Deus ku ka ta ojadu.

Ebreus 11:39

Esis tudu e ngabadu pabia di se fe, ma e ka yangasa kusa ku Deus fala i na da elis,

1 Pedru 1:1

Ami Pedru, apostolu di Jesus Kristu, N na skirbi pa kilis ku spajadu suma stranjerus na teras di Pontu, Galásia, Kapadósia, Asia ku Bitínia.

1 Pedru 1:17

Si na orason bo ta coma Pape kil ku ka ta diferensia jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

1 Jon 3:19

De manera no ta sibi kuma no sta na bardadi, no ta pui no korson diskansadu dianti di Deus.