Ebreus 11:1 - BIBLIA - traduson antigu in Krioulo

¹ Fe i sertesa di kusas ku no na pera; i proba di kil ku no ka oja.

Ebreus 11:1 ပူးပေါင်းရင်းမြစ်များ

Salmus 27:13

N fia kuma N na oja bondadi di SIÑOR na tera di jinti bibu.

Salmus 42:11

Ña alma, ke ku manda bu sta disanimadu? Pabia di ke ku bu sta tarpajadu dentru di mi? Pui bu speransa na Deus, pabia N na torna ngabal, kil ku sedu ña Salbadur, ña Deus.

Atus 20:21

N splika klaru pa judeus ku gregus kuma e ten ku konverti pa Deus ku fe na no Siñor Jesus.

1 Koríntius 13:13

Gosi inda no na fika ku e tris kusa: fe, speransa ku amor, ma mas garandi di tudu i amor.

2 Koríntius 11:17

Ne kusa di ngaba ña kabesa, N ka na papia suma ku Siñor misti, ma suma tulu.

2 Koríntius 4:18

No ka na jubi na kusas ku ta ojadu, ma na kilis ku ka ta ojadu, pabia kusas ku ta ojadu na pasa, ma kilis ku ka ta ojadu ka ta kaba.

2 Koríntius 5:17

Si algin liga ku Kristu, i ta sedu nobu algin. Kusas beju pasa ja; tudu vida bida nobu.

2 Koríntius 5:7

No na yanda na fe, i ka na kil ku no na oja.

2 Koríntius 9:4

Si jinti di Masedonia bai ku mi, e ka oja bos purparadu, i garandi borgoña pa nos, pa fiansa ku no mostra na bos. Abos tambi bo ta burguñu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 10:39

Anos no ka sta na ladu di kilis ku rakua, e pirdi: no sta na ladu di kilis ku fia, e ngaña salbason.

Ebreus 11:13

Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis di lunju, e fika kontenti ku elis, e konfesa klaru kuma elis i ospri strañu na tera.

Ebreus 11:27

I fe ku pul i sai na Ejitu, i ka medi raiba di rei. I fika firmi suma kin ku na oja Deus ku ka ta ojadu.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.