Ebreus 10:5 - BIBLIA - traduson antigu in Krioulo

⁵ E ku manda, oca Kristu na binba mundu, i fala: “Bu ka misti sakrifisiu nin oferta, ma bu ranjan un kurpu.

Ebreus 10:5 ပူးပေါင်းရင်းမြစ်များ

Kumsada 3:15

N na pui inimisadi na metadi di bo ku minjer, na metadi di bu jorson ku jorson di minjer. I na masau na kabesa, bu na murdil na kalkañada.”

Isaias 1:11

SIÑOR fala: “Kil bo manga di sakrifisiu, ke ke ta balin? N sta ja fartu di ofertas kemadu di karnel macu, ku gurdura di limarias gurdu; N ka ta kontenti ku sangi di turus, nin di fijus di karnel, nin di kabras macu.

Isaias 40:16

Nin tudu arvuris di Líbanu ka ciga leña pa fugu di altar, nin si limarias ka ciga pa ofertas kemadu.

Isaias 7:14

SIÑOR propi i na da bos un sinal: Un bajuda na bin preña, i na padi un fiju ku na comadu Emanuel.

Jeremias 31:22

Fiju disobdienti, te kal tempu ku bu na yara ku kamiñu, bu na yanda-yanda? SIÑOR kumpu un kusa nobu na mundu: un minjer ku na proteẑi un omi.”

Jeremias 6:20

Ke ku N mporta ku nsensu ku ta bin di Sebá pa mi, ku minjor kana ku ta cera sabi di utru tera lunju? Bo ofertas kemadu e ka ta kontentan, nin bo sakrifisius ka sabi pa mi.

Mateus 11:3

“Abo i kil ku na binba, o no na pera inda utru?”

Lukas 1:35

Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu Fiju di Deus.

Lukas 7:19

Jon coma dus delis, i manda elis pa e bai punta Jesus si i el ku tenba ku bin, o si e na pera utru.

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Gálatas 4:4

Oca tempu propi ciga, Deus manda si Fiju, ku padidu di minjer, i kria bas di lei,

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Ebreus 1:6

Oca ki na mandaba si purmeru Fiju na mundu, i fala tambi: “Tudu anjus di Deus pa e adoral.”

Ebreus 10:10

I na ki vontadi di Deus ku no santifikadu, pabia Jesus Kristu pursenta si kurpu pa sakrifisiu un bias pa sempri.

Ebreus 10:7

Dipus N fala: ‘O Deus, alin li pa N fasi bu vontadi, suma ki sta skritu di mi na libru.’ ”

Ebreus 10:8

Purmeru i fala: “Bu ka misti sakrifisiu nin oferta, nin limaria kemadu, nin sakrifisiu pa pekadu; bu ka kontenti ku e kusas.” I fala asin mesmu ku e kusas ta pursentadu konformi lei.

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

Ebreus 8:3

Tudu ŝef di saserdoti pudu pa i pursenta ofertas ku sakrifisius; asin e saserdoti tambi i ten ku tene un kusa pa pursenta.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

2 Jon 1:7

Manga di nganadur spaja na mundu ku ka seta kuma Jesus Kristu bin suma omi. Ki koldadi jinti, el ki anti-kristu nganadur.