Ebreus 10:31 - BIBLIA - traduson antigu in Krioulo

³¹ I kusa meduñu pa kai na mon di Deus bibu!

Ebreus 10:31 ပူးပေါင်းရင်းမြစ်များ

Salmus 50:22

“Abos ku ta diskisi di mi, Deus, bo pensa ne kusas, pa bo ka bin sapa-sapadu, sin algin pa libra bos.

Salmus 76:7

I abo son ki meduñu; si bu paña raiba, kin ku pudi firma bu dianti?

Salmus 90:11

Kin ku kunsi forsa di bu raiba? Kin ku kunsi ki medu ku bu raiba pudi tisi?

Isaias 19:16

Tempu na ciga ku ejipsius na sedu suma minjer; e na tirmi ku medu ora ke oja kuma SIÑOR ku ten tudu puder na lantanda mon kontra elis.

Isaias 33:14

Jinti di Sion ku ta fasi pekadu sta ku garandi medu; tirmidura toma konta di kilis ku ka mporta ku Deus. E punta: “Kal algin na no metadi ku pudi mora ku fugu ku ta kaba ku tudu? O kin ku pudi fika pertu di ŝama ku ka ta paga?”

Mateus 10:28

Ka bo medi kilis ku ta mata kurpu, e ka pudi mata alma, ma bo medi Deus ku pudi mata kurpu ku alma na nfernu.

Mateus 16:16

Simon Pedru ruspundi, i falal: “Abo i Mesias, Fiju di Deus bibu.”

Lukas 12:5

N na mostra bos kin ku bo dibi di medi. Bo medi Deus, kil ku, dipus di mata, i ten puder pa bota na nfernu. Sin, N na fala bos, i el ku bo dibi di medi.

Lukas 21:11

Na manga di lugar con na tirmi ku forsa, fomi na ten, duensa na laga. I na ten tambi kusas meduñu ku na bin ojadu, ku garandi sinalis na seu.

Atus 13:11

Asin, mon di Siñor sta kontra bo. Bu na fika segu; bu ka na oja lus di sol pa un tempu.” Na ki ora si uju funguli; i kai un garandi sukuru riba del. I na yanda i na da volta pa buska kin ku pudi pegal na mon pa lebal.

2 Koríntius 5:11

Suma no sibi kuma ku Siñor dibi di rispitadu, no ta misti konvensi jinti. Deus kunsinu diritu; no na pera kuma abos tambi bo kunsinu diritu dentru di bo korson.

Ebreus 10:27

ma son pa no pera, ku garandi medu, julgamentu ku fugu meduñu ku na kaba ku kilis ku sta kontra Deus.

Ebreus 12:29

pabia no Deus i un fugu ku ta kaba ku tudu.

Ebreus 3:12

Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.