Ebreus 10:29 - BIBLIA - traduson antigu in Krioulo

²⁹ Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Ebreus 10:29 ပူးပေါင်းရင်းမြစ်များ

2 Reis 9:33

I fala elis: “Bo botal li bas.” E botal bas; paredi ku kabalus susadu ku si sangi; Jeu pasa riba del ku karu,

Salmus 143:10

Nsinan fasi bu vontadi, pabia abo i ña Deus. Pui bu bon Spiritu pa i gian na con filadu.

Salmus 91:13

Bu na masa lion ku kobra; ku bu pe bu na kalka lion forti ku serpenti.

Saida 24:8

Moisés toma ki sangi, i wagal riba di pobu, i fala: “Es i sangi di kontratu ku SIÑOR fasi ku bos konformi tudu e palabras.”

Isaias 14:19

ma abo bu ka nteradu na bu koba, bu botadu fora suma ramu ku ka bali. Bu kubridu ku mortus ku matadu ku spada, botadu na koba di pedras. Bu difuntu masadu.

Isaias 28:3

Ki koroa, ku sedu orgulyu di camiduris di Efrain, i na masadu ku pe.

Isaias 63:10

ma e torna disobdienti, e fasi si Spiritu Santu fika tristi. Asin i torna se inimigu; el propi i geria kontra elis.

Jeremias 1:5

“Antis di N kumpou na bariga, N kunsiu; antis di bu padidu, N kujiu pa bu sedu anunsiadur pa nasons.”

Miskiñu di Jeremias 1:15

“SIÑOR bati tudu ña balentis dentru di ña mura; i coma tropas kontra mi pa kebranta ña jovens. SIÑOR masa pobu di Judá suma uvas na kau di masa.

Ezekiel 16:6

“‘Oca ku N pasa lungu di bo, N ojau bu na bulbuli kurpu, ditadu na bu sangi. N papia ku bo, oca bu dita na bu sangi, N falau: “Ten vida!”

Daniel 8:13

Dipus N obi un anju ku na papia. Utru anju ruspundi, i puntal: “Te kal tempu ku kusas de vison na kontinua? E pekadu ku ta dana, kantu tempu ki na kontinua toma lugar di sakrifisiu di kada dia? Kantu tempu ku tropas di seu ku kau sagradu na masadu ku pe?”

Mikeias 7:10

Dipus, ña inimigu na oja e kusa, i na kubri ku kunfuson. I ki inimigu ku puntan: “Nunde ku bu Deus sta?” Ña uju na ojal ora ki na masadu suma lama na rua.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Mateus 26:28

pabia es i ña sangi, sangi di [nobu] kontratu, ku darmadu pa manga di jinti, pa purdon di pekadus.

Mateus 7:6

“Ka bo da kusa sagradu pa kacur! Nin ka bo pui bo pérolas dianti di purkus. Talves e ta masal, e rabida e ataka bos.

Markus 7:2

E rapara kuma utru disipulus di Jesus na kumeba ku mon kontaminadu, suma ke ka fasi sirmonia di se kustumu di laba mon,

Lukas 12:10

“Deus ta purda tudu kil ku fala un palabra kontra Fiju di omi, ma i ka na purda kil ku fala palabra mau kontra Spiritu Santu.

Bon Noba di Jesus Kristu ku Jon 10:36

kuma ku bo fala gora kuma ami, ku ña Pape santifika, i manda pa mundu, N lebsil pabia N fala kuma ami i Fiju di Deus?

Bon Noba di Jesus Kristu ku Jon 17:19

Pa amor delis N na santifika ña kabesa, pa elis tambi e pudi santifikadu na bardadi.

Atus 7:51

“Abos i omis ku risu garganti, korson risu tambi, ku oreja ku ka ta obi! Abos sempri bo ta luta kontra Spiritu Santu; suma ku bo papes fasi, asin tambi ku bo sedu.

Romanus 16:20

Deus, no fonti di pas, i ka na tarda pa kebra Satanas bas di bo pe. Fabur di no Siñor Jesus ta sta ku bos.

1 Koríntius 11:27

Asin, si algin kume pon di Siñor, o i bibi na si kopu, na mau manera, i na peka kontra kurpu ku sangi di Siñor.

1 Koríntius 11:29

pabia si i kume, i bibi, i ka rapara kurpu di Siñor, i ta kume i bibi pa si propi kondenason.

1 Koríntius 15:25

Kristu ten ku rena te ora ku Deus pui tudu inimigus bas di si pe.

1 Koríntius 15:27

Palabra di Deus fala kuma i pui tudu kusa bas di si pe. Manera ki fala “tudu kusa” i klaru ki ka na pui na konta kil ku pui tudu kusa bas del, ku sedu Deus.

1 Koríntius 6:11

Utrus na bo metadi seduba asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.

Efésius 4:30

Ka bo pui Spiritu Santu di Deus pa i sta tristi, pabia Spiritu i un marka ku bo markadu ku el pa dia di libertason.

Efésius 5:26

pa i separal pa el. I labal ku yagu ku palabra pa limpal,

Ebreus 10:10

I na ki vontadi di Deus ku no santifikadu, pabia Jesus Kristu pursenta si kurpu pa sakrifisiu un bias pa sempri.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Ebreus 2:11

Asin, kil ku ta santifika ku kilis ku santifikadu e sedu di un mesmu Pape. E ku manda Jesus ka burguñu coma elis ermons.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Ebreus 4:14

Suma ku no tene un garandi Ŝef di Saserdoti ku sedu Jesus, Fiju di Deus, ku yentra dentru di seu, no fika firmi na no fe.

Ebreus 6:4

Kilis ku ciga di risibi lus di Deus, ku sinti gustu ja di kil ku Deus danu di seu, ku toma parti na Spiritu Santu,

Ebreus 6:6

si dipus e bin kai, e ka ta pudi lebadu utru bias pa ripindimentu, pabia ku se mon propi e na krusifika Fiju di Deus utru bias, e na pui pa jinti fasi trosa del.

Ebreus 9:13

Si sangi di bodi ku di turu, ku sinsa di fiju di baka wagadu riba di jinti kontaminadu, i ta purifika elis, i ta limpa kontaminason di kurpu,

Ebreus 9:20

i fala: “Es i sangi di kontratu ku Deus manda pa bo sigi.”

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,