Ebreus 10:28 - BIBLIA - traduson antigu in Krioulo

²⁸ Si algin kebra lei di Moisés, i ta matadu sin sinti pena del, si dus o tris jinti testifika kuma el i kulpadu.

Ebreus 10:28 ပူးပေါင်းရင်းမြစ်များ

2 Samuel 12:13

Davi fala Natan: “N peka kontra SIÑOR.” Natan falal: “SIÑOR tira bu pekadu; bu ka na muri,

2 Samuel 12:9

Pabia di ke ku bu njuti palabra di SIÑOR, bu fasi kusa ki mau si dianti? Bu mata ki eteu Urias ku spada, bu toma si minjer bu kasal. Bu mata Urias ku spada di fijus di Amon.

Isaias 27:11

Ora ku si ramus seku, e ta kebradu; minjeris ta bin kuji elis pa leña, pabia e pobu ka ta ntindi. Pabia di kila, kil ku kumpu elis, i forma elis, i ka na sinti pena delis, nin i ka na mostra elis nin un fabur.

Jeremias 13:14

N na pui elis maja ŋutru suma jarus, tok e bida padas padas, papes tudu ku fijus. Nin pena nin amor nin miserikordia i ka na tujin kaba ku elis.’ ” Asin ku SIÑOR fala.

Numerus 15:36

Asin ku pobu junta, e lebal fora di kampamentu, e dal ku pedras tok i muri, konformi ordi ku SIÑOR da Moisés.

Mateus 18:16

Si i ka obiu, leba mas un o dus ku bo, pa ‘tudu palabra pudi konfirmadu pa dus o tris tustumuña’.

Bon Noba di Jesus Kristu ku Jon 8:17

I sta skritu na bo lei kuma tustumuñu di dus jinti ku konkorda i ten balur.

Romanus 9:15

I fala Moisés: “N ta ten miserikordia di kil ku N misti ten; N ta ten pena di kil ku N misti ten.”

2 Koríntius 13:1

Es gora i terseru bias ku N na bai nunde bos. N na konta bos kuma, kualker akusason i ten ku sedu probadu pa boka di dus o tris tustumuña, suma ku palabra di Deus fala.

Ripitison di Lei 19:13

Bu ka na purdal, ma bu na tira di Israel kulpa di darma sangi di algin ku ka kulpadu. Asin kusas na kuriu diritu.

Ripitison di Lei 19:15

Un tustumuña son ka ciga pa kondena algin pa kualker ofensa o pekadu ki akusadu del, ma i pirsis dus o tris tustumuña pa proba kuma ki algin i kulpadu.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 2:2

Si palabra ku anjus fala tenba forsa, ku, si algin negal o i disobdisil, i ta risibi kastigu ki mersi,

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.