Ebreus 10:25 - BIBLIA - traduson antigu in Krioulo

²⁵ Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.

Ebreus 10:25 ပူးပေါင်းရင်းမြစ်များ

Mateus 10:15

Na bardadi N na konta bos kuma, na dia di juisu, i na bin ten menus kastigu pa jinti di Sodoma ku Gomora di ki jinti di ki prasa.

Mateus 18:20

pabia, nunde ku dus o tris junta na ña nomi, N na sta na se metadi.”

Bon Noba di Jesus Kristu ku Jon 12:48

Kin ku negan, i ka risibi ña palabra, i ten ja kin ku na julgal; palabra ku N konta, es ku na julgal na ultimu dia.

Atus 16:16

Un dia, oca ku no na bai pa lugar di orason, no kontra ku un bajuda ku teneba spiritu di diviña. I ta ngañaba manga di diñeru pa si mestres ku si diviñason.

Atus 2:1

Oca dia di Pentekostis ciga, e staba tudu juntadu na mesmu lugar.

Atus 2:42

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Atus 20:7

Na purmeru dia di semana no junta pa kebra pon. Paulu staba pa bai na ki utru dia. I papia ku elis, i kontinua si kombersa te me-noti.

Romanus 12:8

Si i pa konsija jinti, nta pa i konsija. Kil ku ta rapati, pa i da ku mon abertu. Kil ku na manda, pa i manda ku forsa di vontadi. Kil ku na juda pobris, pa i fasil ku alegria.

1 Koríntius 11:20

E ku manda, si bo junta na un lugar, i ka Sia di Siñor ku bo na kume,

1 Koríntius 14:23

Asin, si tudu igreẑa junta na un lugar, si tudu na papia lingua strañu, i yentra un algin ku ka ten ntindimentu o ki ka krenti, nta i ka ta fala bo tulu?

1 Koríntius 14:3

ma kil ku na anunsia rekadu di Deus i na fala pa jinti, pa lantanda elis, pa konsija elis, pa da elis koraẑen.

1 Koríntius 3:13

Dia di Kristu na mostra klaru tarbaju di kada kin. I fugu ku na mostral; ki fugu na proba tarbaju di kada kin pa jubi i kal koldadi.

1 Koríntius 5:4

Bo ten ku junta na nomi di no Siñor Jesus, ami na ña spiritu juntu ku bos. Na puder di no Siñor Jesus,

Filipensis 4:5

Bo mansesa pa i kunsidu pa tudu jinti. Siñor sta pertu.

1 Tesalonisensis 4:18

Bo ba ta konsola ŋutru ku e palabra.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.

Ebreus 10:24

No pensa na ŋutru, pa disperta ŋutru pa mostra amor, pa fasi bon tarbaju.

Ebreus 10:37

Skritura fala: “Mas un bokadu, kil ku na bin i na bin; i ka na tarda.

Ebreus 13:22

Ermons, N pidi bos pa bo nguenta e palabra di konsiju, pabia e karta i ka kumpridu di ki manera.

Ebreus 3:13

I minjor bo ba ta konsija ŋutru tudu dia ku na faladu “Aos”, pa ka nin un di bos fika duru pa nganu di pekadu.

Tiagu 5:8

Bo sedu tambi pasenseru asin; bo tesanta bo korson, pabia Siñor pertu bin.

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

2 Pedru 3:11

Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida limpu, son pa Deus,

2 Pedru 3:14

Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin kulpa, ku pas si dianti.

2 Pedru 3:9

Siñor ka ta tarda ku kusa ki purmiti, suma utrus ta oja kuma i ta tarda, ma i pasenseru nan ku bos; i ka misti pa ningin pirdi, ma pa tudu pudi ripindi.

Judas 1:19

I esis ku ta tisi rapatimentu na metadi di jinti. E ta sigi son vontadi di se kabesa; e ka tene Spiritu di Deus.