Ebreus 10:24 - BIBLIA - traduson antigu in Krioulo

²⁴ No pensa na ŋutru, pa disperta ŋutru pa mostra amor, pa fasi bon tarbaju.

Ebreus 10:24 ပူးပေါင်းရင်းမြစ်များ

Salmus 41:1

Sortiadu i kil ku ta pensa na koitadis; SIÑOR na libral na dia di foronta.

Ditus 29:7

Omi justu ta pui sintidu na kasu di koitadis, ma omi mau i ka ta misti sibi nada delis.

Atus 11:29

Krentis konkorda pa kada un delis da konformi i pudi, pa manda juda ermons na fe ku staba na Judeia.

Romanus 11:4

Kuma ku Deus ruspundil? I falal: “N guarda pa mi seti mil omi ku ka finka juju dianti di Baal.”

Romanus 12:15

Bo kontenti ku kilis ku sta kontenti, bo cora ku kilis ku na cora.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 9:22

Pa kilis ki fraku, N ta bida suma fraku tambi, pa N pudi ngaña elis. Asin N ta sedu tudu kusa pa tudu jinti, pa N salba utrus di kualker manera ku N pudi.

2 Koríntius 8:8

N ka na da ordi, ma N na konta kuma ku utrus sta pruntu pa juda, pa N jubi si bo amor i di bardadi.

2 Koríntius 9:2

pabia N sibi kuma bo sta pruntu. E ku manda N ngaba bos dianti di jinti di Masedonia; N fala elis kuma jinti di Akaia sta pruntu disna di anu pasadu. Bon vontadi di bos disperta korson di manga delis.

Gálatas 5:13

Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Gálatas 6:1

Ña ermons, si un algin ciga di kai di repenti na un kulpa, abos ku na yanda diritu ku Deus bo dibi di ndirital ku mansesa. Bo jubi pa bo kabesa, pa ka bo bin sedu tentadu tambi.

Kolosensis 3:16

Bo disa palabra di Kristu fika na bo korson, na si rikesa, ku tudu jiresa. Bo nsina, bo konsija ŋutru, bo kanta salmus, inus ku kantigas spiritual, bo kanta pa Deus ku gardisimentu na bo korson.

1 Tesalonisensis 1:3

No ta lembra sempri dianti di no Pape, ku sedu Deus, kuma ku bo fe ta mostra na kusas ku bo na fasi; bo amor i pui bo tarbaja ciu, bo speransa na no Siñor Jesus Kristu i firmi.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.

2 Tesalonisensis 3:9

I ka kuma no ka tenba diritu di risibi sustentu di bos, ma no fasi asin pa sedu isemplu pa bo remenda.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.

Titu 2:4

pa e trena minjeris nobu ama se omis ku se fijus, pa e sibi guberna se kabesa,

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

Ebreus 13:1

Bo kontinua ama ŋutru suma ermons.

Ebreus 13:3

Bo lembra di kilis ku sta prezu, suma ku bo sta prezu ku elis. Bo lembra di kilis ku maltratadu, suma ki pudi sedu na bo kurpu tambi.

Ebreus 3:13

I minjor bo ba ta konsija ŋutru tudu dia ku na faladu “Aos”, pa ka nin un di bos fika duru pa nganu di pekadu.

1 Jon 3:18

Ña fijus, ka no ama son ku palabra di boka, ma no ama na bardadi ku kil ku no na fasi.