Ebreus 10:11 - BIBLIA - traduson antigu in Krioulo

¹¹ Tudu dia kada saserdoti ta fasi si sirvis, i ta pursenta manga di bias mesmu sakrifisius ku nunka ka pudi tira pekadu,

Ebreus 10:11 ပူးပေါင်းရင်းမြစ်များ

Saida 29:36

Kada dia bu na ranja un turu pa oferta pa purdon di pekadu, bu na purifika altar, bu pursenta ki sakrifisiu riba del, bu unjil pa konsagral.

Isaias 1:11

SIÑOR fala: “Kil bo manga di sakrifisiu, ke ke ta balin? N sta ja fartu di ofertas kemadu di karnel macu, ku gurdura di limarias gurdu; N ka ta kontenti ku sangi di turus, nin di fijus di karnel, nin di kabras macu.

Ezekiel 45:4

Es i na sedu parti sagradu di tera. I na sedu pa saserdotis, tarbajaduris di templu ku ta ciga pertu pa sirbi SIÑOR. I na sedu lugar pa se kasas ku lugar sagradu pa templu.

Daniel 11:31

“Si tropas na sai pa manca kau sagradu ku kuartel, e na kaba ku sakrifisiu di kada dia; e na firmanta ki kusa nujenti i meduñu.

Daniel 12:11

“Disna di tempu ku sakrifisiu di kada dia tiradu, ki kusa nujenti i meduñu pudu, i na ten 1.290 dia.

Daniel 8:11

I mistiba disafia ŝef di tropas di seu, tok i kaba ku ki sakrifisiu ku ta fasidu pa el kada dia; kau sagradu di ŝef di tropas batidu na con.

Daniel 9:21

oca ku N na ora inda, ki omi Gabriel ku N ojaba ja na utru vison, i na buaba kinti-kinti pa bin, i tokan na ora di sakrifisiu di di tardi.

Daniel 9:27

Ki ŝef na fasi kontratu firmi ku manga di jinti pa seti anu. Na metadi di ki anus i na kaba ku sakrifisius ku ofertas di kumida. Ki ŝef danadur na pui un kusa nujenti i meduñu na kau sagradu; ki kusa nujenti na fika la te fin markadu pa ki algin ku pul la bin ciga pa el.”

Mikeias 6:6

Ke ku N na leba ora ku N bai dianti di SIÑOR pa mpina pa adora Deus ku sta riba di tudu? Nos N na bai si dianti ku ofertas kemadu, o ku bakasiñu di un anu?

Numerus 28:24

Asin ku bo na fasi kada dia pa seti dia; bu na da oferta di kumida, ku oferta kemadu ku ta cera sabi pa SIÑOR, fora di oferta kemadu ku oferta di bibida ku ta dadu kada dia.

Numerus 28:3

Es i oferta kemadu ku bo na da pa SIÑOR: dus fiju di karnel macu di un anu, sin difeitu, suma oferta kemadu di kada dia.

Numerus 29:6

Tudu e limarias i fora di oferta kemadu di mis ku si oferta di kumida, ku oferta kemadu di kada dia ku si ofertas di kumida ku bibida, konformi ordi. Elis e sedu oferta ku ta cera sabi, ku ta pasadu na fugu, pa SIÑOR.

Ebreus 10:1

Lei di Moisés i son un sombra di kusas bon ku na bin; i ka figura klaru di ki kusas. Mesmu sakrifisius e ta fasidu sempri kada anu. Lei, ku e sakrifisius, i ka pudi torna jinti ku ta fasil pa e purifikadu un bias.

Ebreus 10:4

pabia nin sangi di turu nin di bodi i ka pudi tira pekadu.

Ebreus 5:1

Tudu ŝef di saserdoti i kujidu na metadi di omis, i pudu pa i sta dianti di Deus pa fabur di jinti, pa leba ofertas ku sakrifisius pa pekadu.

Ebreus 7:27

ku ka pirsisa, suma utru ŝefis di saserdoti, di fasi sakrifisiu kada dia pa si propi pekadu purmeru, dipus pa pekadu di pobu, pabia i ronia ja un bias, oca ki da si kurpu.

Ebreus 8:2

ku na sirbi na lugar sagradu, na tenda di bardadi ku Siñor kumpu, i ka omi.

Ebreus 8:4

Si i staba na tera, nin i ka na seduba saserdoti, pabia i ten ja saserdotis ku ta pursenta ofertas konformi lei.