Ebreus 10:10 - BIBLIA - traduson antigu in Krioulo

¹⁰ I na ki vontadi di Deus ku no santifikadu, pabia Jesus Kristu pursenta si kurpu pa sakrifisiu un bias pa sempri.

Ebreus 10:10 ပူးပေါင်းရင်းမြစ်များ

Zakarias 13:1

“Na ki dia, un fonti na yabridu pa familia di Davi ku moraduris di Jerusalen, pa limpa elis di pekadu ku impuresa.”

Bon Noba di Jesus Kristu ku Jon 17:19

Pa amor delis N na santifika ña kabesa, pa elis tambi e pudi santifikadu na bardadi.

Bon Noba di Jesus Kristu ku Jon 19:34

ma un di ki soldadus fural na ladu ku kañaku; i sai logu sangi ku yagu.

Bon Noba di Jesus Kristu ku Jon 6:51

Ami i ki pon bibu ku ria na seu; si algin kume de pon li, i ta vivi pa sempri. Pon ku N na da bos i ña karni ku N na da pa jinti di mundu pudi tene vida.”

1 Koríntius 1:30

Deus junta bos ku Jesus Kristu; i fasil jiresa pa nos. Pabia del tambi i fasinu justu, i santifikanu, i libertanu.

1 Koríntius 6:11

Utrus na bo metadi seduba asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Efésius 5:26

pa i separal pa el. I labal ku yagu ku palabra pa limpal,

Ebreus 10:12

ma Kristu pursenta sakrifisiu pa pekadu un bias pa sempri; dipus, i sinta na mon direita di Deus,

Ebreus 10:14

Son ku ki un oferta i purifika ntidu kilis ku santifikadu.

Ebreus 10:20

I yabrinu un nobu kamiñu di vida, oca i rasga kurtina ku sedu si propi kurpu.

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Ebreus 10:5

E ku manda, oca Kristu na binba mundu, i fala: “Bu ka misti sakrifisiu nin oferta, ma bu ranjan un kurpu.

Ebreus 13:12

E ku manda Jesus tambi muri fora di prasa, pa i pudi santifika pobu ku si propi sangi.

Ebreus 2:11

Asin, kil ku ta santifika ku kilis ku santifikadu e sedu di un mesmu Pape. E ku manda Jesus ka burguñu coma elis ermons.

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

Ebreus 7:27

ku ka pirsisa, suma utru ŝefis di saserdoti, di fasi sakrifisiu kada dia pa si propi pekadu purmeru, dipus pa pekadu di pobu, pabia i ronia ja un bias, oca ki da si kurpu.

Ebreus 9:12

Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertason pa nos pa sempri.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Ebreus 9:26

Si i asin, i tenba di sufri manga di bias disna di kumsada di mundu, ma gosi, na kabantada di tempu, i parsi un bias pa sempri pa sakrifika si vida pa kaba ku pekadu.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

1 Jon 5:6

Es i kil ku bin ku yagu ku sangi, ku sedu Jesus Kristu. I ka bin son ku yagu, ma ku yagu ku sangi. I Spiritu ku ta konfirma e kusa, pabia Spiritu i bardadi.