Ebreus 1:3 - BIBLIA - traduson antigu in Krioulo

³ I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 1:3 ပူးပေါင်းရင်းမြစ်များ

1 Kronikas 29:11

Abo, SIÑOR, i garandi; bu ten puder ku rispitu ku vitoria; abo i Rei gloriosu. Tudu ku sta na seu ku tera i di bo. Renu i di bo, SIÑOR; abo i kabesa ku sta riba di tudu.

Jo 37:22

Di norti sol ta ojadu, ku lus bonitu, kor di uru; Deus ta bin suma rei meduñu.

Salmus 110:1

SIÑOR fala ña Siñor: “Sinta na ña direita tok N pui bu inimigus suma tapeti pa bu diskansa pe nel.”

Salmus 75:3

Mundu ku tudu si moraduris na bulbulidu, ma ami, N na fortifika si firkijas. Sela

Eklesiastis 8:4

Suma ku palabra di rei ten otridadi, kin ku na puntal: “Ke ku bu na fasi?”

Sirmonias 15:15

Saserdoti ten ku sakrifika elis, un son suma oferta pa pekadu, utru pa oferta kemadu. Asin i na kompleta sakrifisiu dianti di SIÑOR pa purifikason di ki omi pabia di kusa ku na saiba na si kurpu.

Mikeias 5:4

I na manti firmi, i na bakia pobu na forsa di SIÑOR, na puder di nomi di SIÑOR si Deus. E na mora suguru, pabia i na bin garandisidu te na partis mas lunju di mundu.

Mateus 22:24

e falal: “Mestre, Moisés fala kuma, si algin kasa minjer, i muri sin i tene fiju ku el, si ermon ta kasa ku ki viuva, pa e padi fiju ku na kontadu suma fiju di kil ku muri.

Markus 16:19

Dipus di Siñor Jesus papia ku elis, i lebadu pa seu, i sinta na mon direita di Deus.

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Bon Noba di Jesus Kristu ku Jon 1:29

Oca sol mansi, Jon oja Jesus na bin pa el, i fala: “Ali karnel di Deus ku ta tira pekadu na mundu.

Bon Noba di Jesus Kristu ku Jon 1:4

I nel ku vida staba; ki vida i seduba lus di omis.

Atus 2:33

Manera ki sta ja riba, na mon direita di Deus si Pape, i risibi na si mon Spiritu Santu ku Deus falaba i na manda; i darma e kusa ku bo na oja gosi, bo na obil.

Atus 7:56

I fala: “Jubi, N oja seu yabri, ku Fiju di omi sikidu na mon direita di Deus!”

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 8:34

Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

Kolosensis 3:1

Bo lantandadu pa vida juntu ku Kristu. Asin bo pui sintidu na kusas ku sta na seu, nunde ku Kristu sinta na direita di Deus.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 1:13

Deus nunka i ka fala nin un anju: “Sinta na ña direita tok N pui bu inimigus suma tapeti pa bu diskansa pe nel.”

Ebreus 10:12

ma Kristu pursenta sakrifisiu pa pekadu un bias pa sempri; dipus, i sinta na mon direita di Deus,

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.

Ebreus 4:14

Suma ku no tene un garandi Ŝef di Saserdoti ku sedu Jesus, Fiju di Deus, ku yentra dentru di seu, no fika firmi na no fe.

Ebreus 7:27

ku ka pirsisa, suma utru ŝefis di saserdoti, di fasi sakrifisiu kada dia pa si propi pekadu purmeru, dipus pa pekadu di pobu, pabia i ronia ja un bias, oca ki da si kurpu.

Ebreus 8:1

Agora ne kombersa tudu, kusa ku no misti fala i es, kuma no tene un Ŝef di Saserdoti de koldadi, ku sta sintadu na direita di tronu di Rei la na seu,

Ebreus 9:16

Na kasu di testamentu, i pirsis proba kuma kin ku fasil muri,

Ebreus 9:26

Si i asin, i tenba di sufri manga di bias disna di kumsada di mundu, ma gosi, na kabantada di tempu, i parsi un bias pa sempri pa sakrifika si vida pa kaba ku pekadu.

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.

1 Pedru 3:22

i riba pa seu, i sta na mon direita di Deus, nunde ku tudu anju ku otridadi ku puder di seu sta bas del.

2 Pedru 1:16

Oca ku no fasi bos sibi puder di no Siñor Jesus Kristu, manera ki bin, no ka konta bos storia ku omi filanta ku jiresa, ma anos propi no oja si garandesa di rei.

2 Pedru 1:17

I risibi di Deus si Pape onra ku gloria, oca vos sai na gloria mas altu, ku papia ku el, i fala: “Es i ña Fiju ku N kiri ciu; N ten garandi kontentamentu nel.”

1 Jon 1:7

Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.

1 Jon 3:5

Bo sibi kuma Kristu bin pa tira no pekadus. El i ka tene pekadu.

Judas 1:25

ki un Deus son, no Salbadur, pa no dal gloria pa meiu di no Siñor Jesus Kristu, no rikuñisil suma Rei ku na manda, ku ten puder, antis di kumsada di tempu, ku gosi, i pa tudu sempri. Amen.

Apokalipsi 3:21

Kil ku vensi, N ta disal i sinta juntu ku mi na ña tronu, suma ku ami N vensi, N sinta ku ña Pape na si tronu.

Apokalipsi 4:11

“O Siñor no Deus! Bu mersi risibi gloria ku rispitu ku puder, pabia i abo ku kumpu tudu kusa. Konformi bu vontadi e kumpudu, e sta inda te gosi.”