Ebreus 1:14 - BIBLIA - traduson antigu in Krioulo

¹⁴ Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.

Ebreus 1:14 ပူးပေါင်းရင်းမြစ်များ

Kumsada 32:24

Jakó fika el son. Un omi bin luta ku el tok sol mansi.

1 Reis 22:19

Mikaias kontinua i fala; “Sukuta palabra di SIÑOR. N oja SIÑOR sintadu na si tronu; tudu tropas di seu staba lungu del na si mon direita ku skerda.

Jo 1:6

Un dia, anjus di Deus bai pursenta dianti di SIÑOR; Satanas bai juntu ku elis.

Salmus 104:4

Bu ta fasi bentus pa e sedu bu anjus; bu ta tene linguas di fugu suma bu servus.

Salmus 34:7

Anju di SIÑOR ta sta sempri na roda di kilis ku rispita Deus, i ta libra elis.

Daniel 3:28

Nabukodonosor fala: “I bon pa no ngaba Deus di Sadrak, Mesak ku Abednegu, ku manda si anju, i libra si servus ku fiansaba nel. E nega obdisi ordi di rei; e mas misti ntrega se kurpu te pa e sirbi o e adora utru deus ku ka sedu se Deus.

Daniel 6:22

Ña Deus manda si anju ku fica boka di lions pa e ka molostan, pabia N ojadu sin kulpa si dianti. Tambi N ka fasi mal kontra Ñu Rei.”

Daniel 7:10

Un riu di fugu sai si dianti, i na kuri. Milyaris di milyaris na sirbil; milyons di milyons firma si dianti. Jinti na tribunal sinta; librus yabridu.

Mateus 1:20

Manera ki na pensaba ne kusa, un anju di Siñor parsil na suñu, i falal: “José, fiju di Davi, ka bu ten medu di kasa ku Maria, pabia kil ku sta na si bariga i puder di Spiritu Santu.

Mateus 13:41

Fiju di omi na manda si anjus, e na junta na si renansa tudu kilis ku ta pui utrus pa e kai, ku kilis ku ta fasi pekadu,

Mateus 18:10

Bo toma sintidu, ka bo njuti nin un de pikininus, pabia N na konta bos kuma se anjus na seu e ta oja sempri rostu di ña Pape ku sta na seu. [

Mateus 2:13

Dipus de bai, un anju di Siñor bai pa José na suñu, i falal: “Lanta, bu toma mininu ku si mame, bu kuri pa Ejitu. Fika la te ora ku N torna falau, pabia Erodis na bin buska mininu pa mata.”

Mateus 24:31

Ora ku korneta na toka ku forsa, i na manda si anjus pa kuatru kantu di mundu pa e junta jinti ki kuji, desdi un ladu di mundu te na utru.

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Mateus 4:11

Na ki ora diabu disal. Anjus ciga, e sirbil.

Markus 10:17

Oca Jesus sai, i pega kamiñu pa bai, un omi kuri pa el, i finka juju si dianti, i puntal: “Bon Mestre, ke ku N dibi di fasi pa ngaña vida ku ka ta kaba?”

Lukas 1:19

Anju ruspundi i falal: “Ami i Gabriel ku ta sta dianti di Deus pa sirbil. I mandan pa N papia ku bo, pa dau e bon noba,

Lukas 1:23

Oca si dias di tarbaju na kasa di Deus kaba, Zakarias riba pa kasa.

Lukas 16:22

“Un dia ki koitadi muri. Anjus lebal lungu di Abraon. Riku tambi muri, i nteradu.

Lukas 2:13

Na ki ora i parsi ku ki un anju un garandi multidon di tropas di seu; e na ngaba Deus, e kanta:

Lukas 2:9

Anju di Siñor parsi se dianti; gloria di Deus numia elis ku garandi lus. E panta.

Atus 11:22

Noba de kusas ciga na oreja di jinti di igreẑa di Jerusalen. E manda Barnabé pa Antiokia.

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.

Atus 12:7

Di repenti un anju di Siñor parsi; lus lampra na kalabus. Anju panga Pedru na ombra, i kordal, i falal: “Lanta dipresa!” Korenti kai na si mon.

Atus 13:2

Oca ke na adora Deus, e na junjuŋa, Spiritu Santu fala: “Bo separan Barnabé ku Saulu pa tarbaju ku N coma elis pa el.”

Atus 16:26

Di repenti con tirmi ku forsa, alisersu di kalabus bulbuli, portas tudu yabri, korenti kai na mon di tudu prezu.

Atus 27:23

E di noti li un anju di ña Deus ku N sedu del, ku N ta adora, i staba lungu di mi,

Atus 5:19

ma di noti un anju di Siñor bin yabri porta di kalabus, i tira elis fora, i fala:

Romanus 11:14

pa N jubi si di kualker manera N pudi lantanda kumbosadia na jinti di ña rasa, pa utrus pudi salba.

Romanus 13:6

Bo dibi di paga mpustu, pabia e sta na sirvis di Deus pa e pudi fasi e tarbaju propi.

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

Romanus 15:27

E oja kuma i bon pa e fasi asin; bardadi e ten obrigason di fasil pabia, si judeus rapati ku elis kusas spiritual, elis tambi e dibi di rapati ku judeus kusas material ke tene.

Romanus 8:17

Suma no sedu fijus, no na yarda rikesa di Deus. No na risibil juntu ku Kristu, si kontra no na sufri ku el pa no pudi tambi ten parti na si gloria.

1 Koríntius 1:21

Deus na si jiresa fasi pa ka omis kunsil na se jiresa, ma i rezolvi usa anunsiu “tulu” pa salba kilis ku fia.

2 Koríntius 9:12

E tarbaju i ka son pa juda na falta ku pobu di Deus ten, ma tambi i ta darma na manga di gardisimentu pa Deus.

Gálatas 3:29

Si bo pertensi Kristu, bo sedu jorson di Abraon, bo na risibi kil ku Deus fala i na da.

Gálatas 3:7

Bo dibi di ntindi kuma, jinti ku ten fe, elis ku sedu fijus di Abraon.

Gálatas 3:9

Abraon fia; Deus bensual. Tudu kil ku fia tambi, Deus ta bensual juntu ku Abraon.

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

Filipensis 2:17

Si kontra ña sangi ten ku darmadu suma oferta riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu.

Filipensis 2:25

N oja kuma i bon pa N manda bos no ermon Epafroditu, ña kumpañer di tarbaju ku di luta, kil ku bo mandanba pa i judan na ña nesesidadi.

2 Tesalonisensis 1:7

Abos ku na sufri, i na lebia bos, ku nos tambi. Es tudu na sedu ora ku Siñor Jesus parsi na seu ku si anjus ku ten puder,

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

Ebreus 10:11

Tudu dia kada saserdoti ta fasi si sirvis, i ta pursenta manga di bias mesmu sakrifisius ku nunka ka pudi tira pekadu,

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

Ebreus 6:17

Asin Deus misti mostra klaru pa kilis ku na risibi kusa ki fala i na da, kuma, kusa ki tene na sintidu ka na maina. E ku manda i papia ku juramentu.

Ebreus 8:6

Gosi Jesus dadu un tarbaju di saserdoti ki mas importanti di ki tarbaju di ki utrus, suma kontratu ki fasi na metadi di Deus ku si pobu i kontratu minjor, ku fasidu riba di minjor purmesas.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

Tiagu 2:5

Ña kiridu ermons, bo sukuta. Deus kuji koitadis de mundu pa e sedu riku na fe, pa e yarda renu ki fala i na da kil ku amal,

1 Pedru 1:12

Deus mostra elis kuma, kusas ke na trata i ka pa elis, ma i pa bos. Kilis ku konta bos Bon Noba na puder di Spiritu Santu ku mandadu di seu, e konta bos ja e kusas — ki kusas ku anjus propi misti ntindi.

1 Pedru 1:4

Asin, no pudi yentra na un yardansa ku ka ta podri, i ka ta dana, i ka ta murca, ku rakadadu na seu pa bos.

1 Pedru 3:7

Di mesmu manera, abos omis, bo yanda ku bo minjeris na ntindimentu, bo rispita elis pabia se kurpu i mas fraku, tambi pabia bo ten parti juntu na vida ku Deus da bos. Bo fasi asin pa ka nada taja bo orason dianti di Deus.

Judas 1:14

Enok tambi, ki di seti jorson dipus di Adon, i anunsia aserka de jinti, i fala: “Bo jubi, Siñor na bin ku milyaris di si santus,

Apokalipsi 5:6

La na metadi di tronu, dentru di roda di ki kuatru kriatura bibu ku ki garandis, N oja un Karnel sikidu, ku parsi ku mataduba. I teneba seti cifri ku seti uju, ku sedu ki seti spiritu di Deus ku mandadu pa tudu tera.