Ditus 9:10 - BIBLIA - traduson antigu in Krioulo

¹⁰ Rispita SIÑOR i purmeru pasu pa jiresa. Si bu kunsi ki Algin Puru, bu ten ntindimentu.

Ditus 9:10 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

Jo 28:28

Deus fala omi: ‘Rispitu pa SIÑOR i jiresa; pa libra di fasi mal i ntindimentu.’ ”

Salmus 111:10

Rispitu pa SIÑOR i purmeru pasu pa jiresa; tudu jinti ku obdisi si ordis e na ten bon ntindimentu. Deus ten ku ngabadu pa sempri.

Salmus 34:12

Kin di bos ku gosta di vida, i misti vida kumpridu ku sabura?

Ditus 1:7

Rispita SIÑOR i purmeru pasu pa kuñisimentu, ma tulus ta njuti jiresa ku nsinamentu.

Ditus 2:5

bu ta ntindi rispitu pa SIÑOR, bu ta oja kuñisimentu di Deus,

Ditus 30:3

N ka nsina jiresa; N ka ten kuñisimentu di Deus santu.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.