Ditus 6:25 - BIBLIA - traduson antigu in Krioulo

²⁵ Ka bu kubisa na bu korson si bonitasku, nin ka i kaptau ku si uju.

Ditus 6:25 ပူးပေါင်းရင်းမြစ်များ

2 Reis 9:30

Jeu bai pa Jizreel. Oca ku Jezabel obi ke ku kontisi, i pinta roda di si ujus, i ranja si kabelu, i fika i na jubi na janela.

Jo 31:1

“N fasi kontratu ku ña uju; nta kuma ku N na pul na un bajuda?

Kantiga di Salomon 4:9

Bu ngaña ña amor, ña irma, ña noiva; bu ngaña ña amor ku manera ku bu uju ta jubin, ku un konta di bu fiu di garganti.

Isaias 3:16

SIÑOR torna fala mas: “Minjeris di Sion i orgulyosu, e ta yanda ku garganti yalsadu; e ta atrai omis ku se uju, e ta yanda ku pasus kurtu. E ta faja se pe ku kaskavelu.

Jeremias 4:30

O prasa danadu! Ke ku bu na fasi? Mesmu ku bu bisti di burmeju, bu faja bu kurpu ku uru, bu pinta na roda di bu uju, bu na torna bonitu na nada! Bu amantis njutiu, e na buska matau.

Ezekiel 23:40

“E ta mandaba buska omis di lunju; e ta bin kudi. Abos, Aolá ku Aolibá, pa amor delis bo ta laba kurpu, bo pinta uju, bo faja ku kusas.

Mateus 5:28

Ma N na konta bos kuma, tudu algin ku jubi minjer ku mau pensamentu, i kai ja ku el na si korson.

Ripitison di Lei 5:21

“Ka bu kubisa minjer di bu kumpañer, nin ka bu kubisa si kasa, si lugar di labur, si katibu macu o femia, si turu, si buru, nin nada di bu kumpañer.”