Ditus 4:13 - BIBLIA - traduson antigu in Krioulo

¹³ Pega tesu na nsinamentu di bu pape; ka bu largal. Guardal pabia i sedu bu vida.

Ditus 4:13 ပူးပေါင်းရင်းမြစ်များ

Kumsada 32:26

Omi falal: “Disan N bai pabia kau klaru ja.” Ma Jakó falal: “N ka na disau bai si bu ka bensuan.”

Ditus 10:17

Kil ku seta kuriẑidu i sta na kamiñu pa vida, ma kil ku ta raprindidu, i nega, i ta disvia di kamiñu.

Ditus 23:23

Kumpra bardadi, ka bu bindil; kumpra tambi jiresa, nsinamentu ku ntindimentu.

Ditus 3:18

I sedu arvuri di vida pa kilis ku sugura nel; sortiadu tudu kilis ku pega nel.

Ditus 3:22

pabia e na sedu vida pa bo; e na sedu suma fiu bonitu pa bu garganti.

Ditus 6:23

E ordi i suma kanderu, e nsinamentu i suma lus. Si i raprindiu, i kuriẑiu, i ta mostrau kamiñu di vida,

Ditus 8:35

Kil ku ojan i na oja vida; i na ngaña fabur di SIÑOR.

Eklesiastis 7:12

pabia jiresa i suguransa, suma ku diñeru i suguransa, ma jiresa i mas minjor, pabia i ta da vida pa kil ku tenel.

Kantiga di Salomon 3:4

N afasta son un bokadu delis, N oja kil ku N ama di korson. N pegal, N ka misti largal, tok N yentrandal na kasa di ña mame, na kuartu di kil ku padin.

Bon Noba di Jesus Kristu ku Jon 6:63

I Spiritu di Deus ku ta da vida; omi na si forsa ka ta bali nada. E palabra ku N fala bos i Spiritu, i vida,

Bon Noba di Jesus Kristu ku Jon 6:68

Simon Pedru ruspundil: “Siñor, pa kin ku no na bai? I abo ku tene palabra ku ta da vida ku ka ta kaba.

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Atus 2:42

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Ripitison di Lei 32:47

E nsinamentu i ka sedu son palabra pa bos, ma i el ki bo vida. Si bo obdisil, bo na tarda manga di anu na tera ku bo na kamba Jordon pa bai tene.”

1 Tesalonisensis 5:21

Bo proba tudu; bo guarda kil ki bon.

Ebreus 2:1

E ku manda i minjor pa no pega ku mas firmesa na kusas ku no obi, pa ka no disvia di rumu.

Apokalipsi 12:11

E ngañal pabia di sangi di Karnel, ku palabra di se tustumuñu. E ka ama se vida, ma e sta pruntu pa muri.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.