Ditus 30:10 - BIBLIA - traduson antigu in Krioulo

¹⁰ Ka bu koba servu dianti di si mestre, pa ka i bin maldisuau, bu fika kulpadu.

Ditus 30:10 ပူးပေါင်းရင်းမြစ်များ

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

Ditus 11:26

Pobu ta maldisua kil ku ta guarda si arus, ma benson na bin riba di kil ku na bindil.

Ditus 28:27

Kin ku pati koitadis i ka na falta nada, ma kil ku fica uju pa elis, manga di jinti na maldisual.

Eklesiastis 7:21

Ka bu pui sintidu na tudu palabra ku jinti fala, pa ka bu bin obi bu servu na fala mal di bo,

Daniel 6:13

E ruspundi e fala rei: “Daniel, un di ki katibus ku tisidu di Judá, i ka ta mporta ku Ñu Rei, nin ku ki lei ku Ñu sina. I ta fasi si orason tris bias na un dia.”

Daniel 6:24

Rei da ordi; e tisi ki omis ku keŝaba di Daniel, e bota elis na koba di lions, elis ku se fijus ku se minjeris. E ka cigaba inda na fundu di koba, lions rabata elis, e kebra-kebra se os.

Romanus 14:4

Abo i kin ku na julga kriadu di utru? Pa si propi patron ki sta sikidu o ki kai. Ma i na firma, pabia Siñor ten puder pa firmantal.

Ripitison di Lei 15:9

Toma sintidu pa ka da lugar pa un pensamentu malvadu, pa bu fala: “Setimu anu, ku sedu anu di purda dibida, i sta ja pertu;” asin bu jubi bu ermon koitadi ku mau rostu, bu ka dal nada. Si i coma pa SIÑOR kontra bo, bu na ojadu kulpadu di pekadu.

Ripitison di Lei 23:15

Si katibu di algin bin roga nunde bo, ka bu ntregal pa si mestre.

1 Samuel 24:9

i punta Saul: “Pabia di ke ku bu ta seta kusas ku omis ta kontau, kuma Davi misti fasiu mal?

1 Samuel 26:19

N pidi Ñu Rei pa i obi e palabra di si servu. Si i SIÑOR ku na lantandau kontra mi, i bon pa i seta un oferta, ma si i omis ku na fasi asin, pa e sedu maldisuadu dianti di SIÑOR, pabia e serkan aos pa N ka ten parti na yardansa di SIÑOR, e na pun pa N bai sirbi utru deusis.

1 Samuel 30:15

Davi puntal: “Bu pudi lebanu pa ki tropas?” I falal: “Si bu jurmentan dianti di Deus kuma bu ka na matan, nin bu ka na ntregan na mon di ña mestre, N ta lebau pa ki tropas.”