Ditus 3:9 - BIBLIA - traduson antigu in Krioulo

⁹ Da gloria pa SIÑOR ku bu rikesa, ku tudu purmeru frutu di bu labur.

Ditus 3:9 ပူးပေါင်းရင်းမြစ်များ

Kumsada 28:22

E pedra ku N pui suma kuluna i na sedu kasa di Deus. Di tudu kil ki dan, sin falta, na kada des N na tornal un.”

2 Kronikas 31:10

Azarias, ŝef di saserdotis di familia di Zadok, i falal: “Disna ku jinti kumsa na tisi ofertas pa kasa di SIÑOR, no ta kume no farta, no sobra ciu, pabia SIÑOR bensua si pobu. Asin tudu e ofertas e sobra inda.”

2 Kronikas 31:21

Tudu kuril diritu, pabia ora ki kumsa fasi kualker tarbaju pa sirvis di kasa di Deus, i ta fasil konformi lei ku mandamentus, i ta buska si Deus, i tarbaja ku tudu korson.

Salmus 144:13

No bembas na inci ku tudu koldadi kumida; no karnel na padi manga di milyaris di fiju na no kampadas.

Saida 22:29

“Ka bu tarda pa dan purmeru parti di bu kebur, suma miju o biñu. Bu na tisi bu purmeru fiju pa mi.

Saida 23:16

“Bu na fasi festival di purmeru frutu di bu tarbaju ora ku bu kumsa na kebra. “Fasi tambi festival di kabantada di kebur, ora ku bu kaba rukuji tudu prudutu di bu tarbaju.

Saida 23:19

“Tisi minjor di purmeru frutus di bu con pa kasa di SIÑOR bu Deus. “Ka bu kusña kabritu na liti di si mame.

Saida 34:26

“Leba parti mas bonitu di purmeru frutu di bu labur pa kasa di SIÑOR bu Deus. “Ka bu kusña kabritu na liti di si mame.”

Ditus 11:25

Kin ku ta da, kusas ta kuril diritu; kil ku ta juda i ta judadu.

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Isaias 43:23

Bu ka tisin karnel pa oferta kemadu, nin bu ka dan onra ku bu sakrifisius. N ka obriga bos tisin ofertas, nin N ka kansa bos pa bo tisin nsensu.

Sirmonias 19:25

Na kintu anu bu pudi kume si fruta. Asin, arvuri na padi mas ciu. Ami i SIÑOR bo Deus.

Numerus 15:20

Di purmeru miju ku bo pila, bo na da oferta pa SIÑOR. Tambi purmeru pon ku bo kumpu di foriña di miju nobu, bo na dal pa SIÑOR.

Mateus 25:17

Asin tambi suma kil ku risibi dus, i ngaña utru dus saku,

1 Koríntius 16:2

Kada dia dumingu kada un di bos ta pui aparti si oferta, konformi i ngaña ki semana. Diñeru ta rakadadu pa, ora ku N bai, i ka ta pirsis lantanda oferta.

Ripitison di Lei 14:29

Utru jinti ku sta na bu prasa, suma levita ku ka tene terenu nin yardansa suma ku bu tene, ku stranjeru ku orfan ku viuva, e ta bin kume, e farta, pa SIÑOR bu Deus pudi bensuau na tudu tarbaju ku bu na fasi.