Ditus 3:7 - BIBLIA - traduson antigu in Krioulo

⁷ Ka bu pensa kuma bu sedu jiru. Rispita SIÑOR, bu lunjusi di mal.

Ditus 3:7 ပူးပေါင်းရင်းမြစ်များ

2 Samuel 12:20

Davi lanta na con, i laba kurpu, i unta azeiti na kabesa, i torkia ropa, i yentra na kasa di SIÑOR, i adoral. Dipus i riba pa kasa, i pidi kumida. E tisil el; i kume.

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Jo 1:1

Na tera di Uz i tenba un omi comadu Jo, un omi di bardadi ku rispita Deus, i yanda diritu, i libra di fasi mal.

Jo 28:28

Deus fala omi: ‘Rispitu pa SIÑOR i jiresa; pa libra di fasi mal i ntindimentu.’ ”

Saida 20:20

Moisés fala pobu: “Ka bo medi; Deus bin pa proba bos, pa bo pudi kontinua ten rispitu pa el, pa bo ka peka.”

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 14:27

Rispitu pa SIÑOR i fonti di vida pa libra di armadilia di mortu.

Ditus 16:6

Ku bardadi ku miserikordia pekadur ta purdadu. Si algin rispita SIÑOR, i ta disvia di mal.

Ditus 23:4

Ka bu fadiga pa sedu riku, ma tarbaja ku jiresa, dentru di limiti.

Ditus 26:12

Bu ciga di oja un omi ku pensa kuma i jiru? Tulu mas ten speransa di ki el.

Ditus 26:5

Ruspundil na un manera ki pudi rapara kuma i ka jiru suma ki pensaba.

Ditus 28:11

Omi riku pudi pensa kuma i jiru, ma koitadi ku ten ntindimentu i ta rapara logu kuma ki sta.

Ditus 28:26

Kil ku fiansa na si kabesa i tulu, ma kil ku ta yanda na jiresa i ta sta suguru.

Ditus 8:13

Pa rispita SIÑOR i pa nuju mal. Ami N nuju orgulyu, ronku, kamiñu mau, ku palabras di mintida.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Isaias 5:21

Ai di kilis ku sedu jiru na se propi uju, e oja kuma e sedu ntindidu!

Romanus 11:25

Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.