Ditus 3:6 - BIBLIA - traduson antigu in Krioulo

⁶ Pensa nel na tudu ku bu na fasi; el i na ndiritau bu kamiñu.

Ditus 3:6 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

Esdras 7:27

No ngaba SIÑOR Deus di no papes, ku pui na korson di rei pa i judanu faja kasa di SIÑOR na Jerusalen.

Neemias 1:11

SIÑOR, yabri bu oreja pa orason di bu servu, tambi pa orason di utru bu servus ku misti rispita bu nomi. Judan aos, bu pui na korson de omi pa i mostran fabur.” Ña tarbaju seduba ntrega rei kopu.

Neemias 2:4

Rei puntan: “Ke ku bu misti?” N ora Deus di seu,

Neemias 7:5

Ña Deus pui na ña korson pa N junta jinti di altu katigoria, ku juisis, ku pobu, pa reẑista elis, familia familia. N bin oja libru di lista di purmeru jinti ku riba. Asin ku N oja i skirbidu la:

Salmus 32:8

Deus fala: “N na nsinau, N mostrau kamiñu ku bu dibi di yanda nel; N na giau ku ña uju.

Ditus 11:5

Onestidadi di algin retu i na judal pa si kamiñu sta sertu, ma omi mau na kai pabia di si maldadi.

Ditus 16:3

Ntrega kusas ku bu na fasi na mon di SIÑOR; asin bu planus na bai dianti.

Ditus 16:9

Omi pudi fasi planus pa si vida, ma i SIÑOR ku ta gia si pasus.

Ditus 23:17

Ka bu ten nveẑa di jinti ku ta fasi mal; rispitu pa SIÑOR i na sedu purmeru kusa na bu vida.

Isaias 26:7

Kamiñu di justu i filadu. Abo ku sedu justu, bu ta filanta kamiñu di justu.

Isaias 30:21

Ora ku bu na disvia pa direita o skerda, bu na obi vos di kil ku sta bu tras, ku na fala: “Es ki kamiñu; bo yanda nel.”

Isaias 45:13

N disperta Siru na ña justisa, N na pasal dianti na tudu kamiñu ki na yanda. I na torna kumpu ña prasa, i na liberta ña pobu di katiberasku, ma i ka na dadu diñeru, nin suku di bas.” I SIÑOR ku ten tudu puder ku fala asin.

Isaias 48:17

Asin ku SIÑOR, bu Libertadur, Deus Santu di Israel, fala: “Ami i SIÑOR bu Deus, ku ta nsinau kusas mas minjor pa bo, ku ta giau na kamiñu ku bu dibi di yanda.

Jeremias 10:23

O SIÑOR, N sibi kuma vida di omi i ka di sil; i ka pudi gia si pasus.

Jeremias 42:3

Ora pa SIÑOR bu Deus pudi mostranu kamiñu ku no dibi di yanda, ku ke ku no dibi di fasi.”

Numerus 9:20

Utru ora nuven ta tene puku dia riba di tabernakulu; e ta sukuta ordi di SIÑOR pa para; e ta sukutal tambi pa bai.

1 Koríntius 10:31

Mbon, nin si bo na kume, o bo na bibi, o bo na fasi kualker utru kusa, bo fasi tudu pa gloria di Deus.

2 Koríntius 8:16

No na fala Deus obrigadu manera ki pui mesmu diseẑu na korson di Titu suma no ten, pa juda bos.

Filipensis 4:6

Ka bo fadiga ku nada, ma na tudu bo orason bo pidi Deus pa kil ku bo pirsisa del; bo pidil ku korson di gardisimentu.

Kolosensis 3:17

Tudu ku bo fasi, palabra o tarbaju, bo fasil na nomi di Siñor Jesus; bo fala Deus no Pape obrigadu na si nomi.

Kolosensis 3:23

Tudu ku bo na fasi, bo fasil di tudu bo korson, suma ku bo na fasi pa Siñor; i ka pa omi.

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.

1 Samuel 30:8

Davi konsulta SIÑOR, i puntal: “N na serka ki tropas? N na paña elis?” SIÑOR falal: “Serka elis pabia bu na paña elis, bu na liberta tudu ki katibus.”