Ditus 3:34 - BIBLIA - traduson antigu in Krioulo

³⁴ SIÑOR na fasi trosa di kilis ku ta fasi trosa ku orgulyu, ma i na da fabur pa mansus.

Ditus 3:34 ပူးပေါင်းရင်းမြစ်များ

Salmus 138:6

SIÑOR sta riba, ma i ta jubi pa jinti umildi; i kunsi orgulyosus di lunju.

Salmus 18:26

pa jinti puru, bu ta mostra kuma abo i puru; pa jinti tortu, bu ta mostra kuma abo i risu.

Ditus 1:26

Asin N na ri ora ku mal bin pa bos; N na fasi trosa ora ku garandi medu ciga pa bos,

Ditus 14:9

Tulus ka ta mporta si e peka, ma jinti retu ta misti ten pas na se metadi.

Ditus 16:19

Minjor sedu umildi di spiritu juntu ku mansus di ki junta ku orgulyosus pa toma parti na kusas ku furtadu.

Ditus 19:29

Kastigu sta purparadu pa kilis ku ta fasi trosa; kostas di tulus na pera mantampa.

Ditus 21:24

Ki algin orgulyosu ku ta pensa kuma i algin, si nomi i Trosadur. I ta mostra sempri orgulyu ku falta di pasensa.

Ditus 9:12

Si bu sedu jiru, i na sedu purbitu pa bo. Si bu ta fasi trosa, i abo son ku na sufri.

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Tiagu 4:6

Ma fabur ku Deus da i mas garandi. E ku manda Skritura fala: “Deus i sta kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”