Ditus 3:33 - BIBLIA - traduson antigu in Krioulo

³³ SIÑOR ta maldisua kasa di jinti mau, ma i ta bensua kasa di justus.

Ditus 3:33 ပူးပေါင်းရင်းမြစ်များ

2 Samuel 6:11

Arka di SIÑOR fika na kasa di ki jiteu Obed-Edon tris mis. SIÑOR bensua Obed-Edon ku tudu si familia.

Jo 24:18

“E sedu suma sukuma riba di yagu; se con i maldisuadu; ningin ka ta yanda na kamiñu di se orta di uvas.

Jo 31:12

I sedu fugu ku ta kema te na pirdison; i ta kaba ku tudu ña kebur.

Salmus 1:3

I na sedu suma arvuri ku parantadu lungu di korenti di yagu, ku ta padi si fruta na tempu propi, ku si fojas ka ta konkoñi; tudu ku ki omi fasi i ta kuri diritu.

Salmus 37:22

Kilis ku SIÑOR bensua na yarda tera di Israel, ma kilis ki maldisua e na tiradu nel.

Salmus 91:10

nin un mal ka na ojau, nin praga ka na ciga na bu morada.

Ditus 10:6

Benson sta riba di kabesa di justu, ma violensia ta toma konta di boka di jinti mau.

Ditus 14:11

Kasa di jinti mau na danadu, ma morada di kilis ku retu i na tene tudu.

Ditus 15:6

Na kasa di justu i ten garandi rikesa, ma kil ku omi mau ngaña i ta tisi kasabi.

Ditus 21:12

Deus justu ta jubi tudu ku na fasidu na kasa di jinti mau, i ta leba elis pa kastigu.

Malakias 2:2

Si bo ka obil, bo ka pui sintidu pa da onra pa ña nomi, N na manda maldison kontra bos, N na maldisua bo bensons. N maldisua elis ja, pabia bo ka pui sintidu ne kusa.” Asin ku SIÑOR ku ten tudu puder fala.

Ripitison di Lei 11:28

Bo na maldisuadu si bo ka obdisi mandamentus di SIÑOR bo Deus, ma bo disvia di kamiñu ku N na manda bos aos pa bo yanda nel, bo bai tras di utru deusis ku nunka bo ka kunsiba.

Ripitison di Lei 7:26

Ka bu miti un idulu nujenti na bu kasa, pa ka bu bin kabadu ku el, suma ku ki idulu na kabadu ku el. Bu ten ku nuju el, bu odial, pabia i sta bas di maldison, pa i kabadu ku el.

Josué 6:18

Bo libra di toma kusas ku Deus fala pa dana, pabia, si bo tomal, bo na tisi kastigu ku danu riba di kampamentu di Israel.

Josué 7:13

“Lanta, bu purifika pobu, bu fala elis: ‘Bo purifika pa amaña, pabia asin ku SIÑOR Deus di Israel fala: Israel, kusas ku Deus fala pa dana e sta na bo metadi. Bo ka pudi firma dianti di bo inimigus tementi bo ka tira na bo metadi ki kusas ku dibi di danadu.