Ditus 3:24 - BIBLIA - traduson antigu in Krioulo

²⁴ Ora ku bu dita, bu ka na ten medu; sin, bu na dita, bu na tene sonu sabi.

Ditus 3:24 ပူးပေါင်းရင်းမြစ်များ

2 Kronikas 20:30

Asin renu di Jeosafá fika susegadu; si Deus dal diskansu na tudu ladu.

Jo 11:19

Bu na dita, ningin ka na pantandau. Manga di jinti na bin buska bu ajuda.

Salmus 112:8

Si korson sta suguru; i ka na medi, tok i pudi oja si inimigus batidu.

Salmus 127:2

I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Salmus 3:5

N ta dita, N durmi; N ta korda, pabia SIÑOR ta suguran.

Salmus 3:6

N ka na medi ki des milyaris di jinti ku lanta na tudu ladu kontra mi.

Salmus 4:8

N na dita, N durmi ku pas, pabia i abo son, SIÑOR, ku fasin pa N mora suguru.

Salmus 91:5

Ka bu medi kusa ku ta pantanda di noti, nin fleŝa ku ta bua di dia,

Ditus 1:33

ma kil ku para sintidu na ña palabra i na mora suguru, ketu, sin medu di mal.”

Ditus 19:23

Rispitu pa SIÑOR ta leba algin pa vida. Kil ku tenel i ta fika kontenti; mal ka na yangasal.

Ditus 6:22

Ora ku bu na yanda, e na giau; ora ku bu na dita, e na guardau; ora ku bu korda, e na papia ku bo.

Eklesiastis 5:12

Tarbajadur ta durmi sabi, nin si i kume ciu o i kume puku, ma omi riku tene kusas ciu tok i ka ta pudi durmi.

Isaias 54:14

Bu na firmantadu ku justisa, bu na fika libri di kilis ku ta kalkau ku kilis ku ta pantau, pabia e ka na pertu bo; bu ka na torna medi mas.

Jeremias 31:26

Na ki ora N korda, N jubi na roda; N oja kuma ña sonu i sabi.

Ezekiel 34:15

Ami propi N na bakia ña karnel, N na pui elis pa e diskansa. Asin ku ami, SIÑOR Deus, N fala.

Ezekiel 34:25

“‘N na fasi kontratu di pas ku elis. N na kaba ku limaria brabu na tera; e na mora suguru na lala, e na durmi na matu.

Ezekiel 34:27

Arvuris di matu na padi se fruta; con na da si paja. Elis e na mora suguru na se tera; e na sibi kuma ami i SIÑOR ora ku N kebra ki korenti ke maradu ku el, N libra elis na mon di kilis ku teneba elis prezu.

Sirmonias 26:6

“N na da pas na tera; bo na dita; ningin ka na pantanda bos. N na tira limarias brabu na tera; gera ka na pasa mas na bo con.

Atus 12:6

Na noti ku Erodis na mansiba pa pursental dianti di pobu, na ki mesmu noti, Pedru na durmiba na metadi di dus soldadu, maradu ku dus korenti; guardas staba dianti di porta, e na guarda kalabus.