Ditus 28:8 - BIBLIA - traduson antigu in Krioulo

⁸ Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Ditus 28:8 ပူးပေါင်းရင်းမြစ်များ

2 Samuel 12:6

I na paga kuatru bias pa ki karnel ki toma, suma ki fasi e kusa, i ka ten dur di ki omi.”

Salmus 72:13

I na sinti pena di koitadi ku fraku; i na salba vida di kil ku ten falta.

Saida 22:25

“Si bu pista diñeru pa un koitadi na metadi di ña pobu, ka bu fasi suma algin ku ta pista diñeru pa juru.

Ditus 13:22

Un bon omi ta disa yardansa pa fijus di si fijus, ma rikesa di algin mau i ta guardadu pa justu.

Ditus 14:21

Kil ku njuti si kumpañer i na peka, ma kil ku mostra bondadi pa koitadis i na sortiadu.

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Ditus 19:7

Si ermons di un koitadi ka gosta del, ku fadi si amigus e ta lunjusi del. I ta kuri tras delis ku pididus, ma i ka na yangasa elis.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Ezekiel 18:13

i ta pista si diñeru pa bin kobra juru, i ta toma pagamentu ciu dimas. Es i pudi bibu? Nau, i ka na bibu! Pabia di tudu ki kusas nujenti ki fasi, i na matadu; kulpa na sedu di sil.

Ezekiel 18:17

I ta disvia si mon di pekadu, i ka ta seta toma kil ki ka dibi di toma. I ta obdisi ña leis, i ta fasi konformi ña regras. E tipu di omi, i ka na muri pabia di pekadu di si pape; i na bibu.

Ezekiel 18:8

I ka ta pista si diñeru pa bin kobra juru; i ka ta seta toma kil ki ka dibi di toma. I ta disvia si mon di fasi mal; i ta fasi justisa di bardadi na metadi di dus jinti ku na diskuti.

Sirmonias 25:36

Ka bu kobral nin un koldadi juru, ma rispita bu Deus, pa bu parenti mora ku bo.