Ditus 28:20 - BIBLIA - traduson antigu in Krioulo

²⁰ Omi fiel i ta incidu ku bensons, ma kil ku janti pa sedu riku i ka na kapli kastigu.

Ditus 28:20 ပူးပေါင်းရင်းမြစ်များ

Neemias 7:2

N pui dus omi riba di Jerusalen, ku sedu Anani, ña ermon, ku Ananias, ŝef di lugar forti, pabia i seduba fiel, tambi i ta rispitaba Deus mas di ki manga di jinti.

Salmus 101:6

Ña uju na yabridu pa jubi kin ki fiel na tera, pa e pudi mora ku mi. Kil ku ta yanda diritu i na sedu ña ministru.

Ditus 10:6

Benson sta riba di kabesa di justu, ma violensia ta toma konta di boka di jinti mau.

Ditus 13:11

Rikesa ku algin ngaña na tarpasa i ta mingua, ma kil ku junta si rikesa ku forsa di si tarbaju i ta buril.

Ditus 17:5

Kil ku fasi trosa di koitadi i na koba Deus ku kumpul. Kil ku na ŋumini utru na kastigu, el propi i ka na kaplil.

Ditus 19:2

I ka bon pa fasi un kusa sin pensa; kil ku ta turmenta na fasi kusa i ta bin yara.

Ditus 20:21

Si bu janti pa toma yardansa, na kabantada i ka na sedu benson pa bo.

Ditus 20:6

Kada kin na papia aserka di si bondadi, ma omi fiel, kin ku pudi ojal?

Ditus 23:4

Ka bu fadiga pa sedu riku, ma tarbaja ku jiresa, dentru di limiti.

Ditus 28:22

Algin nveẑosu i ta kuri tras di rikesa, ma i ka sibi kuma koitadesa na peral.

Mateus 24:45

“I tenba un servu jiru, di fiansa, ku si patron pui riba di utru servus di kasa, pa i pudi da elis se kumida na ora sertu.

Mateus 25:21

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Lukas 12:42

Siñor falal: “Kin ki nkargadu fiel i jiru ku si patron pui riba di si servus pa i da elis se kiñon di kumida na ora?

Lukas 16:1

Jesus fala tambi si disipulus: “I tenba un omi riku ku tene nkargadu, ke bin kontal kuma i na gastal si kusas.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.

1 Samuel 22:14

Aimelek ruspundi rei i puntal: “Kin ki fiel suma Davi na metadi di tudu bu ŝefis? El i omi di bu fiju, kapiton di bu guardas, i rispitadu ciu na bu kasa.