Ditus 26:27 - BIBLIA - traduson antigu in Krioulo

²⁷ Kin ku koba koba i na kai nel. Kin ku rola pedra, pedra na rola riba del.

Ditus 26:27 ပူးပေါင်းရင်းမြစ်များ

Ester 7:10

Asin e nforka Aman na ki po ki purparaba pa Mardokeu. Dipus di kila, raiba di rei bin fria.

Ester 9:25

Oca rei bin sibi de kusa, i manda kartas pa ki planu malvadu ku Aman teneba kontra judeus pudi torna kai riba di si kabesa. Asin el ku si fijus e nforkadu na po.

Salmus 10:2

Jinti mau, na se orgulyu, e na serka koitadi; pui pa e pañadu na armadilia ke kumpu.

Salmus 57:6

E distindi ridia pa ña pe; N fika muitu batidu; e yabri koba na kamiñu ku N na baiba, ma i elis propi ku bin kai nel. Sela

Salmus 9:15

Nasons kai na koba ke koba; se pe prindidu na ridia ke sukundi.

Ditus 28:10

Kil ku disvianta jinti retu pa un kamiñu mau, i na kai na koba ki fasi, ma jinti ku yanda na bardadi e na yarda rikesa.

Ditus 5:22

Pekadus di omi mau i si armadilia; i ta pañadu ku kordas di si propi pekadu.

Eklesiastis 10:8

Kil ku yabri koba i pudi kai nel; kin ku romba mura, kobra pudi murdil.

Isaias 3:11

Ai di omi mau! Kusas na kuril mal, pabia i na dadu pagamentu di kusas ki fasi ku si mon propi.

Isaias 3:8

Jerusalen na balansa; Judá kai ja, pabia tudu ke na papia, ku kusas ke na fasi, sta kontra SIÑOR, pa disafia si parsensa gloriosu.