Ditus 24:7 - BIBLIA - traduson antigu in Krioulo

⁷ Jiresa ta pasa riba di kabesa di tulu; na juntamentu na porton di prasa i ka ta yabri si boka.

Ditus 24:7 ပူးပေါင်းရင်းမြစ်များ

Jo 31:21

si N lantanda ña mon kontra orfan, suma ku N sibi kuma N pudi ngaña na kau di fasi justisa,

Jo 5:4

Si fijus ka pudi oja suguransa; e pasa mal na kau di julgamentu, sin algin ku na libra elis.

Salmus 10:5

Na si kamiñus, tudu kusas ta kuri ben ku el; bu leis sta mas altu, lunju del; i ta ri di si inimigus.

Salmus 127:5

Sortiadu i ki omi ku inci si saku di ki fleŝas; i ka na pirdi justisa ora ki tene palabra ku si inimigus na porton di prasa.

Ditus 14:6

Algin ku ta fasi trosa i ta buska jiresa, i ka ta ojal, ma algin ntindidu i lestu pa prindi.

Ditus 15:24

Pa ntindidu, kamiñu di vida ta subi pa riba, pa i pudi jingi lunju di mundu di mortus ku sta bas.

Ditus 17:16

Ke ki bali pena pa tulu tene diñeru pa kumpra jiresa, suma i ka ten ntindimentu?

Ditus 17:24

Omi ntindidu na pui si uju na jiresa, ma uju di tulu ta bai pa manga di lugar.

Ditus 17:7

I ka bon pa tulu papia palabra garandiosu, ku fadi pa un ŝef sedu munturus.

Ditus 22:22

Ka bu splora koitadi pabia i koitadi; ka bu kalka un koitadi na tribunal,

Ditus 28:5

Omis mau ka ta ntindi ke ki justisa, ma kilis ku ta buska SIÑOR e ta ntindi tudu.

Ditus 31:23

Si omi i kunsidu na porton di prasa nunde ki ta bai sinta ku garandis di tera.

Isaias 29:21

ku sedu kilis ku ta pinca kulpa riba di utru, ku ta pui lastru pa kil ku na pursenta si keŝa na otridadi, ku ta pui justu pirdi si justisa.

Isaias 32:6

Tulu ta papia kusas di tulesa; si pensamentu sta son na mal ki dibi di fasi. I ta finji, i konta kusas ku ka bardadi aserka di SIÑOR. I ta disa kilis ku tene fomi sin nada; kilis ku tene sedi, i ta tuji elis yagu.

Amos 5:10

Abos bo ta ten odiu di kil ku ta raprindi bos na kau di justisa; bo ta nuju kil ku ta konta bardadi.

Amos 5:12

N sibi kuma bo kebra lei manga di bias; bo pekadus i garandi dimas. Bo ta kastiga jinti justu, bo ta toma suku di bas; bo nega da koitadis se diritu na kau di justisa.

Amos 5:15

Bo nega mal, bo pega na kil ki bon, bo manti justisa sertu na porton di prasa. Talves SIÑOR, Deus ku ten tudu puder, pudi sinti pena di kilis ku sobra di jorson di José.

1 Koríntius 2:14

Na bardadi omi na si ntindimentu i ka pudi ntindi kusas di Spiritu di Deus, pabia e ta parsil tulesa. I ka pudi ntindi elis, pabia son Spiritu ku ta pul i ntindi.