Ditus 22:5 - BIBLIA - traduson antigu in Krioulo

⁵ Fididas ku armadilia e sta na kamiñu di algin tortu, ma kin ku misti si vida i ta disvia di ki kamiñu.

Ditus 22:5 ပူးပေါင်းရင်းမြစ်များ

Jo 18:8

Si propi pes na lebal kinti-kinti pa ridia, e na pañadu na si korda.

Salmus 11:6

Riba di jinti mau i na manda brasas di fugu ku nŝofri suma cuba, ku bentu kinti. Es i na sedu kastigu ke na toma.

Salmus 91:1

Kil ku mora na kau suguru di Deus ku sta riba di tudu, i ta diskansa na sombra di kil ku ten tudu puder.

Ditus 13:15

Bon ntindimentu ta ngaña fabur, ma kamiñu di kilis ku ka sedu fiel i kansadu yanda.

Ditus 13:3

Kil ku ta guarda si boka i ta guarda si vida, ma kil ku yabri si boka ciu i na tene kasabi.

Ditus 15:19

Kamiñu di prigisosu i suma tapada di fidida, ma kamiñu di omi retu i suma strada.

Ditus 16:17

Si bu misti yanda na strada di jinti bon, bu ten ku jingi di mal. Kil ku ta toma sintidu nunde ki na bai i ta salba si vida.

Ditus 19:16

Kil ku obdisi mandamentus i ta guarda si vida, ma kil ku njuti kamiñu di SIÑOR i na muri.

Ditus 22:4

Si bu baŝa kabesa, bu ten rispitu pa SIÑOR, bu na ngaña rikesa, rispitu ku vida.

Ditus 29:6

Omi mau na pañadu na armadilia di si pekadu, ma algin justu ta kontenti, i kanta.

Ditus 4:19

ma kamiñu di omis mau i sukuru; nin e ka ta sibi ke ku pui elis pa e kai.

Josué 23:13

bo sibi sertu kuma SIÑOR bo Deus ka na kontinua tira pa fora e nasons bo dianti. Asin e na bin sedu armadilia ku ridia pa paña bos, ŝikoti pa bo kostas ku fidida pa bo uju, tok bo kaba tudu ne bon tera ku SIÑOR bo Deus da bos.

1 Jon 5:18

No sibi kuma tudu kil ku padidu na familia di Deus i ka ta fasi pekadu, pabia Fiju di Deus ta guardal; ki malvadu ka ta toka nel.