Ditus 22:29 - BIBLIA - traduson antigu in Krioulo

²⁹ Bu oja un omi ku ta tarbaja diritu? I na bin kolokadu na tarbaju di rei; i ka na tarbaja pa kualker algin.

Ditus 22:29 ပူးပေါင်းရင်းမြစ်များ

Kumsada 41:38

Faraó punta elis: “Nta no na oja un omi suma es ku tene spiritu di Deus?”

Kumsada 41:46

I teneba idadi di trinta anu kontra i yentra na sirvis di Faraó, rei di Ejitu. José sai na pursensa di Faraó, i yanda na tudu tera di Ejitu.

Kumsada 47:6

Tera di Ejitu sta bu dianti. Pui bu pape ku bu ermons pa e mora na minjor parti di tera, na ladu di Gosen. Si bu kunsi utrus na se metadi ku ten jitu, bu ta pui elis suma ŝefis di bakiaduris di ña limarias.”

2 Samuel 2:32

Joab ku si omis lambu Asael, e bai nteral na koba di si pape, na Belen; e yanda tudu ki di noti, e ciga na Ebron oca sol na mansi.

1 Reis 10:8

Sortiadu i bu omis! Sortiadu i bu ŝefis ku sta sempri bu dianti, e na obi bu palabras di jiresa.

1 Reis 11:28

Jeroboan seduba joven kapas. Oca ku Salomon rapara kuma ki tarbaja ku vontadi, i pul pa i sedu ŝef di tarbaju obrigatoriu na tera di José.

1 Kronikas 4:23

Ki jinti seduba kumpuduris di puti, e ta staba tambi na ortas ku jardins; e ta tarbajaba pa rei.

Ditus 10:4

Mon prigisosu ta pui algin koitadi, ma mon ku ta tarbaja diritu ta tisi rikesa.

Ditus 12:24

Kil ku ta tarbaja ciu i ta bin manda; kil ku prigisosu i ta bin sedu katibu.

Ditus 23:1

Si bu sinta pa kume ku un ŝef, jubi diritu kin ku bu sta ku el.

Eklesiastis 9:10

Tudu ku ciga na bu mon pa fasi, fasil konformi bu forsa, pabia na mundu di mortus, nunde ku bu na bai, i ka ten tarbaju, nin planus, nin kuñisimentu, ku fadi jiresa.

Daniel 1:19

Rei papia ku elis tudu, ma na se metadi i ka oja utru joven suma Daniel, Ananias, Misael ku Azarias. Asin e yentra na tarbaju di rei.

Daniel 1:4

jovens sin difeitu na kurpu, bonitu, ben nsinadu, ku sibi ciu, lestu pa ntindi, ku sibi vivi na palasiu di rei. I falal tambi pa i nsina elis skirbi ku lei na lingua di Babilonia.

Mateus 25:21

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 25:23

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Romanus 12:11

Ka bo sedu divagarosu na tarbaju, ma bo sedu kinti na spiritu pa sirbi Siñor.

2 Timótiu 4:2

pa bu konta palabra di Deus; si tempu i bon o i ka bon, ntema nel. Raprindi, bu kuriẑi, bu anima, bu nsina ku tudu pasensa.

1 Samuel 16:21

Asin Davi bai pa Saul, i fika na si sirvis. Saul gostaba ciu del. I bin sedu rapas ku ta leba material di gera di Saul.

1 Samuel 17:31

Utru jinti obi ke ku Davi na fala, e bai konta Saul. Saul manda buskal.