Ditus 21:4 - BIBLIA - traduson antigu in Krioulo

⁴ Pa jubi riba ku korson di orgulyu i kanderu ku ta gia jinti mau na se pekadu.

Ditus 21:4 ပူးပေါင်းရင်းမြစ်များ

Jo 18:5

“Na bardadi, kanderu di omi mau na pagadu; ŝama di si fugu ka na yardi.

Jo 18:6

Lus na bida sukuru na si tendas; kanderu ku sta lungu del na paga.

Salmus 10:4

Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

Salmus 101:5

N na kaba ku kil ku na rui si visiñu. N ka na nguenta kil ku ta ronka ku korson di orgulyu.

Salmus 131:1

SIÑOR, ña korson i ka orgulyosu, nin N ka ta jubi ku rostu riba. N ka ta fika prokupadu ku kusas garandi, nin kusas ku mas ña kabesa,

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 21:27

Sakrifisiu di omi mau i nujenti pa SIÑOR; i mas nujenti inda si i pursental ku motivu mau.

Ditus 24:20

Algin mau i ka tene bon futuru; si kanderu i na bin pagadu.

Ditus 30:13

I ten jinti ku ta yalsa se kabesa, e pensa kuma e mas tudu jinti.

Ditus 6:16

E seis kusa, SIÑOR ka gosta delis; kil di seti, i nuju el:

Ditus 6:17

Uju di orgulyu, lingua di mintida, mon ku ta darma sangi di algin ku ka ten kulpa,

Ditus 8:13

Pa rispita SIÑOR i pa nuju mal. Ami N nuju orgulyu, ronku, kamiñu mau, ku palabras di mintida.

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Isaias 2:11

Ujus di jinti ku ta yalsa kabesa e na baŝadu; orgulyu di omis i na kabadu ku el. Son SIÑOR ku na yalsadu na ki dia,

Isaias 2:17

Orgulyu di omi na batidu; ronku di omi na baŝadu. Son SIÑOR ku na yalsadu na ki dia.

Isaias 3:16

SIÑOR torna fala mas: “Minjeris di Sion i orgulyosu, e ta yanda ku garganti yalsadu; e ta atrai omis ku se uju, e ta yanda ku pasus kurtu. E ta faja se pe ku kaskavelu.

Lukas 11:34

Kanderu di kurpu i uju. Ora ku bu uju sedu bon, tudu bu kurpu ta numia, ma si i sedu mau, bu kurpu tambi ta sta na sukuru.

Lukas 18:14

“N na fala bos kuma e kobradur i bai pa si kasa limpu di si pekadu, ma ki utru nau, pabia kil ku yalsa si kabesa i ta baŝadu; kil ku baŝa si kabesa i ta yalsadu.”

Romanus 14:23

ma kil ku ten duvida, si i kume, i sta kondenadu, pabia i ka na kume ku fe. Tudu ku ka bin di fe i pekadu.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”