Ditus 2:8 - BIBLIA - traduson antigu in Krioulo

⁸ I ta guarda kilis ku ta trata utru jinti diritu; i ta difindi pa kilis ki di sil.

Ditus 2:8 ပူးပေါင်းရင်းမြစ်များ

Salmus 1:6

SIÑOR na guarda justus na se kamiñu, ma jinti mau sta na kamiñu pa pirdi.

Salmus 145:20

SIÑOR ta guarda tudu jinti ku amal, ma tudu jinti mau na kabadu ku el.

Salmus 23:3

I ta arnoba vida dentru di mi, i ta gian pa kamiñu sertu pa amor di si nomi.

Salmus 37:28

pabia SIÑOR ama kusa ku sta sertu, i ka na bandona si pobu fiel; e na guardadu pa sempri. Jorson di jinti mau na tiradu na tera di Israel.

Salmus 37:31

Lei di si Deus sta na si korson; si pe ka na lalu.

Salmus 66:9

I guarda no vida, i ka disa no pe lalu.

Salmus 97:10

Abos ku ama SIÑOR, bo nuju mal. El i ta guarda vida di si pobu, i ta libra elis di mon di jinti mau.

Ditus 8:20

N ta yanda na kamiñu di justisa; N ta sigi kamiñus diritu.

Isaias 35:9

Lion ka na ten la; limarias brabu ka na subi pa la, nin e ka na ojadu la, ma kilis ku SIÑOR liberta, elis ku na yanda la.

Ripitison di Lei 33:3

Na bardadi SIÑOR ama si pobu; tudu kilis ku sedu di sil e sta na si mon; e sinta lungu di si pe pa risibi nsinamentu di si palabra,

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.

Judas 1:24

Deus ku ten puder pa libra bos di kai, pa leba bos dianti di si pursensa gloriosu, sin kulpa, ku alegria,

1 Samuel 2:9

“I na guarda pe di kilis ki di sil, ma jinti mau na fika mudu na sukuru, pabia i ka pa forsa ku omi ta ngaña.