Ditus 19:23 - BIBLIA - traduson antigu in Krioulo

²³ Rispitu pa SIÑOR ta leba algin pa vida. Kil ku tenel i ta fika kontenti; mal ka na yangasal.

Ditus 19:23 ပူးပေါင်းရင်းမြစ်များ

Salmus 103:17

Antis di kumsada te dipus di kabantada, bondadi di SIÑOR sta riba di kilis ku rispital; si retidon sta riba delis ku se fijus ku netus,

Salmus 19:9

Rispitu pa SIÑOR i limpu, i ta manti pa sempri. Julgamentus di SIÑOR i retu; tudu elis i justu.

Salmus 25:13

I na diskansa na sabura; si jorson na yarda tera di Israel.

Salmus 85:9

Sin duvida el i sta pruntu pa salba kilis ku rispital, pa gloria pudi sta na no tera.

Salmus 90:14

Fartandanu ku bu bondadi kada dia ku sol na mansi, pa no pudi kanta ku alegria, no kontenti tudu no vida.

Salmus 91:10

nin un mal ka na ojau, nin praga ka na ciga na bu morada.

Salmus 91:16

N na fartandal ku vida kumpridu, N mostral ña salbason.”

Ditus 10:27

Rispitu pa SIÑOR ta pui vida mas kumpridu, ma anus di jinti mau ta kortadu.

Ditus 11:19

Kil ku pui sintidu pa yanda na kamiñu sertu na oja vida, ma kil ku pega tras di mal i pegal pa si mortu.

Ditus 12:21

Nin un kastigu ka na bin pa justu, ma jinti mau na oja manga di mal.

Ditus 19:22

Omi ku ta misti kusas son pa el, i borgoña. I minjor pa sedu koitadi di ki munturus.

Ditus 22:4

Si bu baŝa kabesa, bu ten rispitu pa SIÑOR, bu na ngaña rikesa, rispitu ku vida.

Ditus 3:24

Ora ku bu dita, bu ka na ten medu; sin, bu na dita, bu na tene sonu sabi.

Malakias 4:2

Ma pa bos ku ta rispita ña nomi, ña bondadi ku puder di kura na bin suma raiu di sol ku na mansi. Bo na sai, bo jukuta suma bakasiñus ku dismancadu na se koral.

Mateus 5:6

“Sortiadu i kilis ku ta faima pa fasi ke ku Deus misti, pabia Deus na bin fartanda elis.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Romanus 8:28

No sibi kuma Deus ta usa tudu kusa pa ben di kilis ku amal, kilis ki coma suma ki distina.

1 Timótiu 4:8

Trenamentu di kurpu i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.

2 Timótiu 4:18

Siñor na libran tambi di tudu mal, i na leban salbu pa si renu na seu. Gloria pa el pa sempri. Amen.