Ditus 19:21 - BIBLIA - traduson antigu in Krioulo

²¹ Manga di ideia ta sta na kabesa di omi, ma i vontadi di SIÑOR ku na fasidu.

Ditus 19:21 ပူးပေါင်းရင်းမြစ်များ

Kumsada 50:20

Bo mistiba fasin mal, ma Deus bidanta ki mal pa ben, pa salba vida di manga di jinti, suma ku bu na oja ne dias.

2 Samuel 17:14

Absalon ku tudu omis di Israel e fala: “Konsiju di arkita Usai i minjor di ki konsiju di Aitofel.” I SIÑOR ku staba tras des, pa pudi kunfundi ki bon konsiju di Aitofel, pa tisi mal riba di Absalon.

Ester 9:25

Oca rei bin sibi de kusa, i manda kartas pa ki planu malvadu ku Aman teneba kontra judeus pudi torna kai riba di si kabesa. Asin el ku si fijus e nforkadu na po.

Jo 23:13

“Si i disidi fasi un kusa, kin ku na tujil? Kusa ki misti, el ki ta fasi.

Salmus 21:11

E pensa fasi mal kontra bo, e ranja planus di tarpasa, ma e ka na ngaña.

Salmus 83:4

E fala: “Bo bin, no kaba ku elis pa ka e sedu nason, pa nomi di Israel ka lembradu mas.”

Ditus 12:2

Omi bon ta yangasa fabur di SIÑOR, ma SIÑOR ta kondena jinti ku ta fasi planus mau.

Ditus 16:1

Omi pudi fasi si planus, ma rasposta sertu ta bin di SIÑOR.

Ditus 16:9

Omi pudi fasi planus pa si vida, ma i SIÑOR ku ta gia si pasus.

Ditus 19:22

Omi ku ta misti kusas son pa el, i borgoña. I minjor pa sedu koitadi di ki munturus.

Ditus 21:1

SIÑOR ta diriẑi pensamentus di rei suma ki ta pui yagu na riusiñus pa i kuri na manera ku el i misti.

Ditus 21:30

Si bu sta kontra SIÑOR, nin jiresa nin ntindimentu nin planus e ka na baliu.

Eklesiastis 7:29

Es son ku N diskubri: Deus kumpu omi retu, ma omis ranja manga di komplikason.”

Isaias 14:24

SIÑOR ku ten tudu puder jurmenta i fala: “Suma ku N pensa, asin ki na sedu. Suma ku N disidi, asin ki na fasidu.

Isaias 46:10

Disna di tempu antigu N kontaba ja kusas ku ka kontisi inda. Na kumsada N ta jumna N konta kusas di kabantada. N ta fala kuma ña planu sta firmi; N na fasi tudu kil ku N misti.

Jeremias 44:29

“‘Ami, SIÑOR, N fala: Es i na sedu sinal pa bos kuma N na kastiga bos ne kau, pa bo sibi sertu kuma ña palabra di mal kontra bos i na firma.

Ezekiel 20:32

“‘Bo fala kuma bo na sedu suma utru nasons, ku jinti di utru teras ku ta adora po ku pedra, ma es ku bo tene na sintidu i ka na sedu.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Efésius 1:11

Deus ta fasi tudu kusa konformi i marka na si vontadi. I kujinu pa no sedu si pobu na union ku Kristu, konformi planu ki tarda fasi,

1 Pedru 2:8

Tambi i sta skritu kuma i “Pedra ku ta pui algin da tapada, un roca ku ta fasi algin kai.” E ta da tapada pabia e ka obdisi palabra. Asin ki distinadu pa elis.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.