Ditus 19:11 - BIBLIA - traduson antigu in Krioulo

¹¹ Ntindimentu ta pui algin pa i nguli si raiba; kil ku ta purda i ta ngaña rispitu.

Ditus 19:11 ပူးပေါင်းရင်းမြစ်များ

2 Reis 5:12

Nta Abana ku Farpar, rius di Damasku, e ka sedu minjor di ki tudu rius di Israel? N ka pudiba laba nelis pa N fika purifikadu?” I rabida i bai ku raiba.

Ditus 11:13

Algin ku ta yanda i na papia-papia i ta konta sigridu, ma algin di fiansa ta guardal.

Ditus 12:16

Tulu, si i paña raiba, i ta mostral logu, ma omi jiru ta disdangu algin ku na kobal mal.

Ditus 14:29

Omi di pasensa i ten garandi ntindimentu, ma kil ki turmentadu i ta mostra tulesa.

Ditus 15:18

Omi ku ta lestu pa paña raiba ta lantanda jus, ma omi di pasensa i ta kalma gera.

Ditus 16:32

Algin di pasensa i minjor di ki omi forti di gera. Kil ku ta domina si propi kurpu i minjor di ki kil ku toma un prasa.

Ditus 17:14

Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

Ditus 20:22

Ka bu fala: “N na torna e mal!” Spera na SIÑOR; el i ta librau.

Ditus 20:3

I rispitu pa disinvita jus, ma tudu tulu i ta miti nel.

Ditus 25:21

Si bu inimigu tene fomi, dal di kume; si i tene sedi, dal yagu pa i bibi.

Ditus 29:11

Tulu ta pajiga tudu si raiba, ma algin jiru ta kontrolal.

Efésius 4:32

Bo sedu bon, bo sinti pena di ŋutru, bo purda ŋutru, suma tambi ku Deus purda bos na Kristu.

Tiagu 1:19

Ña kiridu ermons, bo lembra de kusa li, kuma tudu algin dibi di sta pruntu pa obi, ma pa i tarda pa papia, pa i tarda pa raiba,