Ditus 18:6 - BIBLIA - traduson antigu in Krioulo

⁶ Boka di tulu ta lebal pa jus, tok i ta pidi jinti pa e sutal.

Ditus 18:6 ပူးပေါင်းရင်းမြစ်များ

Ditus 12:16

Tulu, si i paña raiba, i ta mostral logu, ma omi jiru ta disdangu algin ku na kobal mal.

Ditus 13:10

Orgulyosu ta tisi son jus; jiresa ta ojadu na kil ku seta konsiju.

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 14:3

Kombersa orgulyosu di tulu i sedu mantampa pa si kurpu; palabra di jiru i ta guardal.

Ditus 17:14

Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

Ditus 19:19

Omi ku lestu pa paña raiba i ten ku sufri si kastigu. Si bu libral purmeru bias, bu na pirsisa di fasil mas.

Ditus 19:29

Kastigu sta purparadu pa kilis ku ta fasi trosa; kostas di tulus na pera mantampa.

Ditus 20:3

I rispitu pa disinvita jus, ma tudu tulu i ta miti nel.

Ditus 22:10

Si bu tira fora kil ku ta fasi trosa, jus ta sai juntu ku el; keŝa ku kusa di borgoña ta kaba.

Ditus 25:24

I minjor mora na un kantu di kasa di ki mora na un kasa garandi ku minjer jusiadur.

Ditus 27:3

Pedra i pisadu, reia tambi, ma raiba di tulu i mas pisadu di ki elis tudu.

Ditus 29:9

Si omi jiru keŝa di tulu, tulu ta paña raiba, o i ta ri; nada ka ta bai.