Ditus 18:3 - BIBLIA - traduson antigu in Krioulo

³ Ora ku maldadi yentra, disprezu tambi na bin. Disgrasa ku borgoña e ta bin juntu.

Ditus 18:3 ပူးပေါင်းရင်းမြစ်များ

Neemias 4:4

“A no Deus! Obi kuma ku no na njutidu. Pui se trosa pa i kai riba di se kabesa, pa e pañadu na gera, e lebadu pa katiberasku na utru tera.

Salmus 69:20

Koba mal kebrantan korson; N fika fraku dimas. N pera kin ku na sinti pena di mi, ma i ka ten. N pera kin ku na dan konfortu, ma N ka oja ningin.

Salmus 69:9

Amor pa bu kasa na keman; kilis ku kobau mal, i ta kai riba di mi.

Ditus 11:2

Jinti orgulyosu ka ta tarda pa sta na borgoña, ma jinti umildi e ten jiresa.

Ditus 13:5

Justu ta nuju palabra di mintida, ma omi mau ta tisi borgoña ku kunfuson.

Ditus 18:2

Tulu ka ten interes na ntindi kusa diritu; i ta misti son tira si propi pensamentus.

Ditus 18:4

Palabra di omi i suma yagu fundu. Fonti di jiresa i uju di yagu ku na lagua.

Ditus 22:10

Si bu tira fora kil ku ta fasi trosa, jus ta sai juntu ku el; keŝa ku kusa di borgoña ta kaba.

Ditus 29:16

Ora ku jinti mau na buri, pekadu ta buri, ma justus e na bin oja se kaida.

1 Pedru 4:14

Si i pabia di nomi di Kristu ku bo kobadu, abos i sortiadu, pabia Spiritu di gloria, ku sedu Spiritu di Deus, sta riba di bos.

1 Pedru 4:4

Gosi e ta straña kuma ku bo ka ta sta ku elis na ki forti kurida fora di ordi; e ta fala mal kontra bos,

1 Samuel 20:30

Raiba di Saul rebenta kontra Jonatas, i falal: “Fiju di minjer tortu i rebeldi! N sibi kuma bu sta a fabur di fiju di Jesé; bu na tisi borgoña riba di bu kabesa, tambi riba di mame ku padiu.