Ditus 17:3 - BIBLIA - traduson antigu in Krioulo

³ Prata ku uru ta probadu ku fugu, ma SIÑOR ta proba korsons.

Ditus 17:3 ပူးပေါင်းရင်းမြစ်များ

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Jo 23:10

ma el i sibi nunde ku N na bai; si i kaba proban, N na sai suma uru.

Jo 28:1

“Na bardadi, prata tene kau nunde ki ta kobadu; uru tene kau nunde ke ta purifikal.

Salmus 139:23

O Deus, jubin, pa bu pudi kunsi ña korson; spurmentan, pa bu kunsi ña pensamentus.

Salmus 26:2

Jubin, SIÑOR, bu spurmentan, jubi diritu na ña korson ku pensamentus,

Salmus 66:10

Abo, o Deus, bu probanu; bu rifinanu suma prata ta rifinadu.

Ditus 15:11

SIÑOR pudi jubi dentru di mundu di mortus, ku fadi korson di omis.

Ditus 16:2

Omi pudi pensa kuma tudu ki fasi i bon, ma SIÑOR na pesa si motivus na balansu.

Ditus 17:2

Katibu jiru na ten forsa riba di fiju ku ta tisi borgoña; i na toma si parti di yardansa suma un ermon.

Ditus 21:2

Tudu kamiñu di omi ta parsi bon na si propi uju, ma SIÑOR ta jubi dentru di si korson.

Ditus 27:21

Suma ku prata ku uru ta probadu na fugu, karater di omi ta probadu ora ki ngabadu.

Isaias 48:10

Jubi kuma ku N purifikau, ma i ka suma prata; N probau na furnu di foronta.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Ezekiel 22:18

“Fiju di omi, pobu di Israel gosi ka ten balur pa mi. Elis tudu e sedu suma kobri, lata, feru ku cumbu ku fika na furnu dipus di prata rifinadu.

Daniel 11:35

Utru di ki jirus na kai pa e probadu, e purifikadu, pa e bida sin manca, te na kabantada di tempu, pabia i na bin sedu na tempu markadu.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Ripitison di Lei 8:16

i dau maná pa bu kume, kusa ku bu papes ka kunsiba. E kusas tudu e fasidu pa pudi baŝau, pa probau, pa kusas pudi kuriu diritu na kabantada.

Ripitison di Lei 8:2

Lembra di manera ku SIÑOR bu Deus giau na tudu ki kamiñu di lala ne korenta anu ku pasa, pa fasiu umildi, pa probau, pa sibi ke ku staba na bu korson, si bu na obdisi si mandamentus o nau.

1 Pedru 1:7

E probason i pa mostra kuma bo fe i di bardadi, pa i pudi mersi lovor ku gloria ku onra na dia ku Jesus Kristu na bin. Uru ku un dia ta kaba i ta probadu na fugu. Fe ku probadu ten garandi balur mas di ki uru.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.