Dus malandru yentra, e bai dianti di Nabot, e testifika kontra el dianti di pobu, e fala: “Nabot papia mal kontra Deus ku rei.” Jinti lebal fora di prasa, e dal ku pedras tok i muri.
Kusa bon, ai di kilis ku ta comal mau; kusa mau, e ta comal bon! Sukuru, e ta tornal pa lus; lus, e ta tornal pa sukuru. Kusa malgos, e ta tornal dos, dos pa malgos.
Bo dana ña nomi na metadi di ña pobu, pa mon ku inci sevada o pa padas di pon. Bo mata jinti ku ka dibi di muri; bo salba vida di kilis ku ka dibi di fika bibu. Bo konta ña pobu mintida; e sukutal.
N sibi kuma bo kebra lei manga di bias; bo pekadus i garandi dimas. Bo ta kastiga jinti justu, bo ta toma suku di bas; bo nega da koitadis se diritu na kau di justisa.
Si dus omi tene keŝa na se metadi, e bai pa kau di fasi justisa pa kasu pudi julgadu, juisis na da roson pa kil ki justu, e na kondena kil ku ten kulpa.