Ditus 17:14 - BIBLIA - traduson antigu in Krioulo

¹⁴ Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

Ditus 17:14 ပူးပေါင်းရင်းမြစ်များ

2 Samuel 19:41

Tudu omis di Israel bai pa rei e puntal: “Pabia di ke ku no ermons, omis di Judá, furtau, manera ke kumpaña rei ku si familia ku tudu si omis pa kamba Jordon?”

2 Kronikas 13:17

Abias ku si tropas fasi garandi danu na se metadi, pabia kiñentus mil omi forti di Israel e matadu.

2 Kronikas 28:6

Na un dia son, Peka, fiju di Remalias, i mata sentu i vinti mil di tropas mas minjor di Judá, pabia pobu di Judá disa SIÑOR, Deus di se papes.

Ditus 13:10

Orgulyosu ta tisi son jus; jiresa ta ojadu na kil ku seta konsiju.

Ditus 14:29

Omi di pasensa i ten garandi ntindimentu, ma kil ki turmentadu i ta mostra tulesa.

Ditus 15:1

Bon rasposta ta kalma raiba, ma palabra duru i ta lantandal.

Ditus 16:32

Algin di pasensa i minjor di ki omi forti di gera. Kil ku ta domina si propi kurpu i minjor di ki kil ku toma un prasa.

Ditus 17:19

Kil ku gosta di jus i gosta di pekadu. Kil ku ronka si rikesa i na kumbida ladron.

Ditus 19:11

Ntindimentu ta pui algin pa i nguli si raiba; kil ku ta purda i ta ngaña rispitu.

Ditus 20:3

I rispitu pa disinvita jus, ma tudu tulu i ta miti nel.

Ditus 25:8

Kil ku bu oja, ka bu janti pa bai kontal na tribunal. Ke ku bu na fasi na fin si bu kumpañer bin pou na borgoña?

Ditus 26:21

Suma karbon ku leña ta pui fugu pa i yardi, asin ku omi ku ta garbata asuntu i ta sindi jus.

Ditus 29:22

Omi ku ta paña raiba i ta lantanda jus, i ta buri pekadus.

Romanus 12:18

Bo fasi mas ku bo pudi pa ten pas ku tudu jinti.

1 Tesalonisensis 4:11

Bo buska tene un vida susegadu, bo trata di bo propi nogos, bo tarbaja ku bo mon propi, suma ku no manda bos ja.