Ditus 16:2 - BIBLIA - traduson antigu in Krioulo

² Omi pudi pensa kuma tudu ki fasi i bon, ma SIÑOR na pesa si motivus na balansu.

Ditus 16:2 ပူးပေါင်းရင်းမြစ်များ

Salmus 36:2

Na si propi pensamentu i ta ngaba si kabesa; i ka ta nota pa si pekadu, nin i ka ta nuju el.

Ditus 12:15

Tulu ta pensa sempri kuma i sta na kamiñu sertu, ma jiru ta sukuta konsiju.

Ditus 16:25

I ten kamiñu ku omi pudi pensa i sertu, ma kabantada di ki kamiñu i mortu.

Ditus 17:3

Prata ku uru ta probadu ku fugu, ma SIÑOR ta proba korsons.

Ditus 21:2

Tudu kamiñu di omi ta parsi bon na si propi uju, ma SIÑOR ta jubi dentru di si korson.

Ditus 24:12

Bu pudi fala: “No ka sibi nada.” Nta kil ku ta julga korson i ka na rapara bu motivu? Kil ku ta guarda bu vida i na sibi. I na paga omi konformi kil ki fasi.

Ditus 30:12

I ten jinti ku pensa kuma e sedu puru, ma nunka e ka labadu se susidadi.

Ditus 5:21

SIÑOR ta oja tudu ku omi na fasi, i ta jubi pa tudu si kamiñus.

Isaias 26:7

Kamiñu di justu i filadu. Abo ku sedu justu, bu ta filanta kamiñu di justu.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Daniel 5:27

TEKEL: — Bu pesadu na balansu, ma bu da falta.

Numerus 22:32

Anju di SIÑOR puntal: “Ke ku manda bu suta bu buru te tris bias? N sai pa bin tajau kamiñu, pabia e bias ku bu sta nel i ka sta bon ña dianti,

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Apokalipsi 2:18

“Skirbi pa anju di igreẑa di Tiatira, bu falal: ‘Es i palabra di Fiju di Deus ku tene uju ku na lampra suma fugu, ku pe suma metal ku na lampra.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.

Ŝefis 17:6

Na ki tempu i ka tenba rei na Israel; kada kin ta fasiba kusa ki misti.

Ŝefis 7:6

Trizentus omi lantanda yagu ku mon pa boka; ki restu di jinti e finka juju pa bibi yagu.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”

1 Samuel 2:3

“Ka bo njata ciu ku orgulyu, nin ka bo disa palabras di njatamentu sai na bo boka, pabia SIÑOR i Deus ku ta sibi tudu; el ku ta pesa obras di jinti na balansu.