Ditus 16:15 - BIBLIA - traduson antigu in Krioulo

¹⁵ Si rostu di rei sta kontenti, i sinal di vida. Si fabur i suma nuven ku tisi purmeru cuba.

Ditus 16:15 ပူးပေါင်းရင်းမြစ်များ

Salmus 21:6

Bu dal benson ku ka na kaba; bu rostu ta incil ku kontentamentu.

Salmus 30:5

pabia si raiba ta tarda un bokadiñu son, ma si fabur i pa tudu vida. Jinti pudi cora tok sol mansi, ma kontentamentu ta bin parmaña.

Salmus 4:6

Manga di jinti ta punta: “Kin ku na mostranu kusas bon?” SIÑOR, numianu ku lus di bu rostu.

Salmus 72:6

Rei na sedu suma cuba ku na kai na lugar ku kebradu ja, suma cuba ku ta bin i bai, i regua con.

Ditus 16:14

Si rei paña raiba, bu pudi sibi kuma algin na muri, ma omi jiru ta kalmal.

Ditus 19:12

Raiba di rei i suma gritu di lion, ma si fabur i suma serenu riba di paja.

Ditus 29:26

Manga di jinti ta buska fabur di kil ku na manda, ma pa omi, justisa ta bin di SIÑOR.

Oseias 6:3

No ba ta kunsi SIÑOR; no bai dianti pa no pudi kunsil mas diritu. Si saida i sertu suma sol di mandrugada; i na bin pa nos suma cuba, ki purmeru cuba ku ta regua con.”

Zakarias 10:1

Bo pidi SIÑOR pa i manda cuba na kumsada di tempu di cuba. I SIÑOR ku ta kumpu nuvens, i ta manda cuba, i pui paja pa i kirsi pa tudu jinti.

Atus 2:28

Bu pun pa N kunsi kamiñus di vida; ku bu rostu bu na incin di alegria.’