Ditus 15:28 - BIBLIA - traduson antigu in Krioulo

²⁸ Justu ta pensa na kil ki dibi di ruspundi, ma boka di jinti mau ta tira manga di kusa mau.

Ditus 15:28 ပူးပေါင်းရင်းမြစ်များ

Salmus 59:7

e ta grita manga di saklata; se palabras ta fidi suma spada; e ta pensa kuma ningin ka na obi.

Ditus 10:19

Na manga di kombersa i ka ta falta pekadu, ma kil ku domina si boka i jiru.

Ditus 10:32

Jinti justu ta sibi papia bon palabra, ma jinti mau ta papia son palabra tortu.

Ditus 13:16

Algin jiru ta pensa antis di fasi un kusa, ma tulu ta mostra si tulesa.

Ditus 15:2

Palabra di jiru ta fasi kuñisimentu pa i sedu un kusa sabi, ma boka di tulu i ta darma tulesa.

Ditus 16:23

Omi jiru ta pensa, i kumsa papia; asin i ta nsina mas minjor.

Ditus 29:11

Tulu ta pajiga tudu si raiba, ma algin jiru ta kontrolal.

Ditus 29:20

Bu ciga di oja un omi turmentadu na si palabra? I ten mas speransa pa tulu di ki pa el.

Eklesiastis 5:2

Ka bu turmenta na bu korson, nin ka bu janti pa yabri boka pa fala kualker palabra dianti di Deus, pabia Deus sta na seu, abo bu sta na tera; asin bu palabras dibi di sedu puku.

Eklesiastis 5:6

Ka bu seta pa bu boka lebau na pekadu, nin ka bu fala dianti di saserdoti kuma bu yara, manera ku bu fasi purmesa. Pabia di ke ku bu na pui Deus paña raiba ku bu palabras, tok i bin kaba ku tarbaju di bu mon?

Mateus 12:34

Jorson di kobras! Suma bo sedu mau, kuma ku bo pudi papia bon kusa? Boka ta papia kusa ku inci korson tok i na darma.

1 Pedru 3:15

Bo rispita Kristu suma Siñor na bo korson. Bo sta sempri pruntu pa ruspundi kualker algin ku pidi bos pa bo splika aserka di speransa ku bo ten. Bo fasil ku mansesa ku rispitu,

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.