Ditus 15:27 - BIBLIA - traduson antigu in Krioulo

²⁷ Omi kubisosu ta tisi mufunesa pa si kasa, ma kil ku ta nega suku di bas i ta bibu.

Ditus 15:27 ပူးပေါင်းရင်းမြစ်များ

1 Reis 2:40

Asin i lanta, i purpara si buru, i bai nunde Akis na Gat pa buska si katibus; i ribanta elis pa si kasa.

2 Reis 5:27

Asin, mpincu di Naaman na kamba na bo ku bu jorson pa sempri.” Ki ora Jeazi sai; si kurpu bidaba ja branku fandan ku mpincu.

Salmus 15:5

i ta pista si diñeru sin kobra juru; i ka ta seta suku di bas pa julga kontra kil ku ka ten kulpa. Kil ku ta fasi e kusas, nunka i ka na bulbulidu.

Saida 18:21

Bu ta buska omis jiru na metadi di pobu, ku ta rispita Deus, omis di fiansa, ku ka ta buska rikesa na un manera mau, bu pui elis suma juis riba di grupus di mil, grupus di sen, di sinkuenta ku di des.

Saida 23:8

“Ka bu toma suku di bas, pabia suku di bas ta fica uju di kilis ku na oja, i ta tursi palabras di jinti justu.

Ditus 1:19

I asin ki kamiñu di algin ku ta yanda na tarpasa. Ki tarpasa i ta tira vida di algin ku yentra nel.

Ditus 11:19

Kil ku pui sintidu pa yanda na kamiñu sertu na oja vida, ma kil ku pega tras di mal i pegal pa si mortu.

Ditus 11:29

Kil ku tisi kasabi pa si familia i na yarda bentu. Tulu na sedu katibu di justu.

Ditus 15:26

Pensamentus di algin mau i nujenti pa SIÑOR, ma palabra di jinti puru i sabi.

Ditus 20:21

Si bu janti pa toma yardansa, na kabantada i ka na sedu benson pa bo.

Ditus 23:4

Ka bu fadiga pa sedu riku, ma tarbaja ku jiresa, dentru di limiti.

Ditus 28:16

Ŝef sin ntindimentu i ta buri kastigu riba di jinti, ma kil ku nega avaresa i ta manda manga di tempu.

Ditus 28:25

Algin kubisosu i ta lantanda jus, ma kil ku fia na SIÑOR i ta pasa ben.

Ditus 29:4

Rei ta firmanta tera ku justisa, ma amigu di diñeru ta danal.

Jeremias 17:11

Algin ku junta rikesas na tarpasa, i suma coka ku ta mborka na ovus ki ka di sil. Ora ku si vida sta na metadi, i ta pirdi ki rikesas; na kabantada i ta tulu.

Ripitison di Lei 16:19

Ka bu tursi justisa, ka bu fasi skuju di jinti, nin ka bu seta suku di bas, pabia suku di bas ta sega uju di jinti jiru, i ta tursi palabra di justus.

Ripitison di Lei 7:26

Ka bu miti un idulu nujenti na bu kasa, pa ka bu bin kabadu ku el, suma ku ki idulu na kabadu ku el. Bu ten ku nuju el, bu odial, pabia i sta bas di maldison, pa i kabadu ku el.

1 Timótiu 6:10

Amor pa diñeru i rais di tudu koldadi mal. Utru jinti buskal tok e disvia na fe; e fidi se vida ku manga di dur.

1 Timótiu 6:9

Kilis ku misti sedu riku e ta kai na tentason, e ta pañadu na lastru di manga di diseẑu tulu ku ta dana, ku ta murgujanta elis na stragu ku pirdison.

Josué 6:18

Bo libra di toma kusas ku Deus fala pa dana, pabia, si bo tomal, bo na tisi kastigu ku danu riba di kampamentu di Israel.

1 Samuel 12:3

Alin li; bo tustumuña kontra mi dianti di SIÑOR ku dianti di si rei unjidu, si N toma turu di algin, o N toma buru di algin, o N fasi algin tarpasa, o N maltrata algin, o N toma suku di bas na mon di algin pa N pudi tapa uju. Si N fasi kualker de kusas, N ta torna bos el.”