Ditus 15:2 - BIBLIA - traduson antigu in Krioulo

² Palabra di jiru ta fasi kuñisimentu pa i sedu un kusa sabi, ma boka di tulu i ta darma tulesa.

Ditus 15:2 ပူးပေါင်းရင်းမြစ်များ

Salmus 45:1

Palabras bonitu na inci ña kabesa tok i darma, nkuantu N na ripiti e kantiga ku N fasi pa rei. Suma kaneta di algin ku ten jitu na skirbi, asin ku ña lingua sta pruntu ku poesia.

Salmus 59:7

e ta grita manga di saklata; se palabras ta fidi suma spada; e ta pensa kuma ningin ka na obi.

Ditus 12:23

Omi ntindidu ka ta ronka si kuñisimentu, ma tulus ta papia, e mostra se tulesa.

Ditus 13:16

Algin jiru ta pensa antis di fasi un kusa, ma tulu ta mostra si tulesa.

Ditus 15:23

Omi ta kontenti si i da bon rasposta; palabra sertu na si tempu propi i bon.

Ditus 15:28

Justu ta pensa na kil ki dibi di ruspundi, ma boka di jinti mau ta tira manga di kusa mau.

Ditus 15:7

Boka di jiru i ta darma kuñisimentu, ma korson di tulu ka ta fasi asin.

Ditus 16:23

Omi jiru ta pensa, i kumsa papia; asin i ta nsina mas minjor.

Ditus 5:2

pa bu rakada ña avisu, pa bu boka mostra kuñisimentu.

Eklesiastis 10:14

Tulu ta papia-papia. Ningin ka sibi ke ku na bin; kin ku pudi kontanu ke ku na bin sedu dipus?

Eklesiastis 5:3

Si bu kuda ciu, bu pudi tene suñus. Si bu papia ciu, bu pudi fala palabras di tulesa.

Isaias 50:4

SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.