Ditus 15:15 - BIBLIA - traduson antigu in Krioulo

¹⁵ Jinti ku kalkadu e ta sta tristi kada dia, ma kil ku tene korson kontenti i tene sempri festa.

Ditus 15:15 ပူးပေါင်းရင်းမြစ်များ

Kumsada 37:35

Tudu si fijus macu ku femia lanta pa konsolal, ma i nega pa i konsoladu. I fala: “Na bardadi, N ten ku cora ña fiju te dia ku N bai pa el na kau di jinti ku muri.” Asin si pape cora pa José.

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

Ditus 15:13

Korson kontenti ta fasi rostu bonitu, ma dur di korson i ta kebranta spiritu.

Ditus 15:14

Korson ntindidu ta buska kuñisimentu, ma boka di tulus i ta kume tulesa.

Ditus 15:16

Minjor bu tene puku, bu rispita SIÑOR, te pa bu tene rikesa, bu ka ten susegu.

Ditus 16:22

Ntindimentu i fonti di vida pa kilis ku tenel, ma pa tenta nsina tulus i pa pirdi tempu.

Ditus 17:22

Korson kontenti ta da saudi, ma spiritu kebrantadu i ta bin seka os.

Atus 16:25

Pertu di me-noti, Paulu ku Silas na oraba, e na kanta kantiga pa Deus. Utru prezus na sukutaba elis.

Romanus 12:12

Bo kontenti na speransa ku bo ten, bo ten pasensa na foronta, bo pega tesu na orason.

Romanus 5:11

I ka son es, ma no kontenti ku Deus pabia di no Siñor Jesus Kristu ku fasinu amigus di Deus.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

2 Koríntius 1:5

Suma ku sufrimentu di Kristu ciu, anos no toma parti nel, asin tambi ku no ta risibi garandi koraẑen pabia di Kristu.

2 Koríntius 6:10

no fasidu tristi, ma sempri kontenti; no parsi pobri ma no ta fasi manga di jinti riku; no parsi suma ku no ka tene nada, ma na bardadi no tene tudu.

1 Pedru 4:13

ma bo kontenti suma ku bo toma parti na sufrimentu di Kristu, pa, ora ku si gloria mostradu, bo ta fika kontenti ku alegria.