Ditus 14:6 - BIBLIA - traduson antigu in Krioulo

⁶ Algin ku ta fasi trosa i ta buska jiresa, i ka ta ojal, ma algin ntindidu i lestu pa prindi.

Ditus 14:6 ပူးပေါင်းရင်းမြစ်များ

Salmus 119:18

Yabri ña uju pa N pudi oja kusas di dimira na bu lei.

Ditus 1:5

pa omi jiru pudi obil, i kirsi na jiresa; pa omi ntindidu pudi ngaña konsiju jiru;

Ditus 14:5

Tustumuña di fiansa ta konta sempri bardadi, ma kil ki ka di fiansa i ta konta son mintida.

Ditus 14:7

Fika lunju di tulu, pabia bu ka na obi nin palabra di jiresa na si boka.

Ditus 15:12

Orgulyosu ka ta gosta di algin ku raprindil, nin i ka ta ciga pa pidi konsiju na jirus.

Ditus 17:16

Ke ki bali pena pa tulu tene diñeru pa kumpra jiresa, suma i ka ten ntindimentu?

Ditus 17:24

Omi ntindidu na pui si uju na jiresa, ma uju di tulu ta bai pa manga di lugar.

Ditus 18:2

Tulu ka ten interes na ntindi kusa diritu; i ta misti son tira si propi pensamentus.

Ditus 24:7

Jiresa ta pasa riba di kabesa di tulu; na juntamentu na porton di prasa i ka ta yabri si boka.

Ditus 26:12

Bu ciga di oja un omi ku pensa kuma i jiru? Tulu mas ten speransa di ki el.

Ditus 8:8

Tudu palabra di ña boka i justu; i ka ten nin un palabra tortu nin di nganu.

Ditus 8:9

Tudu ña palabras i retu pa kilis ku ta ntindi elis; e sedu justu pa kilis ku ten kuñisimentu.

Isaias 8:20

Bo bai pa lei ku palabra di Deus! Si jinti ka fala konformi e palabra, nunka e ka na oja lus di mandrugada.

Jeremias 8:9

Jirus fika ku borgoña ku kunfuson, e pañadu; e nega palabra di SIÑOR. Kal tipu di jiresa ke ten?

1 Koríntius 8:2

Si algin kuda kuma i sibi kualker kusa, na bardadi i ka sibi suma ki dibi di sibi,

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.