Ditus 14:21 - BIBLIA - traduson antigu in Krioulo

²¹ Kil ku njuti si kumpañer i na peka, ma kil ku mostra bondadi pa koitadis i na sortiadu.

Ditus 14:21 ပူးပေါင်းရင်းမြစ်များ

Salmus 112:5

Kusas na kuri ben ku omi ku ta pista ku si libri vontadi, ku ta trata si kusas ku retidon.

Salmus 112:9

I ta da ciu pa koitadis; si retidon na kontinua pa sempri; i na garandisidu ku gloria ku puder.

Salmus 22:24

I ka dispreza, nin i ka disdangu sufrimentu di kil ku foronta, nin i ka sukundi si rostu del. Oca ku kila comal pa i sakural, i obil.

Ditus 11:12

Algin ku ka ten juisu ta njuti si kumpañer, ma omi ntindidu ta kala.

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Ditus 17:5

Kil ku fasi trosa di koitadi i na koba Deus ku kumpul. Kil ku na ŋumini utru na kastigu, el propi i ka na kaplil.

Ditus 18:3

Ora ku maldadi yentra, disprezu tambi na bin. Disgrasa ku borgoña e ta bin juntu.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 21:10

Algin mau ta pui sintidu na mal; nin i ka ta sinti pena di si visiñu.

Ditus 22:9

Kin ku ta pati i ta sedu bensuadu, pabia i rapati si kumida ku koitadi.

Ditus 28:27

Kin ku pati koitadis i ka na falta nada, ma kil ku fica uju pa elis, manga di jinti na maldisual.

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Daniel 4:27

Asin, Ñu Rei, seta ña konsiju, bu disa bu pekadu, bu fasi kil ki diritu; bu disa ki kusas mau ku bu ta fasi, bu mostra bondadi pa koitadis. Talves bu pas ta kontinua.”

Lukas 18:9

Jesus da tambi e komparason pa kilis ku fiaba na se kabesa, e oja kuma elis i justu; e njuti utru jinti;

Atus 20:35

N mostra bos na tudu kusa kuma no dibi di tarbaja ciu pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da di ki bo risibi.’ ”

Ripitison di Lei 15:9

Toma sintidu pa ka da lugar pa un pensamentu malvadu, pa bu fala: “Setimu anu, ku sedu anu di purda dibida, i sta ja pertu;” asin bu jubi bu ermon koitadi ku mau rostu, bu ka dal nada. Si i coma pa SIÑOR kontra bo, bu na ojadu kulpadu di pekadu.

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.