Ditus 14:17 - BIBLIA - traduson antigu in Krioulo

¹⁷ Kil ku lestu pa paña raiba i ta fasi suma dudu; omi ku ta fasi planu mau ta odiadu.

Ditus 14:17 ပူးပေါင်းရင်းမြစ်များ

2 Reis 5:12

Nta Abana ku Farpar, rius di Damasku, e ka sedu minjor di ki tudu rius di Israel? N ka pudiba laba nelis pa N fika purifikadu?” I rabida i bai ku raiba.

Ester 3:6

Oca i bin sibi kin ki pobu di Mardokeu, i njuti ideia di matal el son, ma i buska manera di kaba ku pobu di Mardokeu, ku sedu tudu judeus ku staba na tudu renu di Asueru.

Ditus 12:16

Tulu, si i paña raiba, i ta mostral logu, ma omi jiru ta disdangu algin ku na kobal mal.

Ditus 12:2

Omi bon ta yangasa fabur di SIÑOR, ma SIÑOR ta kondena jinti ku ta fasi planus mau.

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 14:18

Kilis ku ka maduru e ta yarda tulesa, ma jinti ntindidu na premiadu ku kuñisimentu.

Ditus 14:29

Omi di pasensa i ten garandi ntindimentu, ma kil ki turmentadu i ta mostra tulesa.

Ditus 15:18

Omi ku ta lestu pa paña raiba ta lantanda jus, ma omi di pasensa i ta kalma gera.

Ditus 16:32

Algin di pasensa i minjor di ki omi forti di gera. Kil ku ta domina si propi kurpu i minjor di ki kil ku toma un prasa.

Ditus 20:3

I rispitu pa disinvita jus, ma tudu tulu i ta miti nel.

Ditus 22:24

Ka bu sedu sos di algin ku ta pirdi kontrolu, nin ka bu yanda ku algin ku ta lestu di paña raiba,

Ditus 29:22

Omi ku ta paña raiba i ta lantanda jus, i ta buri pekadus.

Ditus 6:18

korson ku ta pensa planus mau, pe ku ta kuri pa mal,

Eklesiastis 7:9

Ka bu lestu ku paña raiba, pabia algin ku ta guarda raiba dentru del i tulu.

Isaias 32:7

Kusas ku malandru ta fasi, i son di malandrisa; i ta fasi planu mau pa i pudi kaba ku koitadis mansu ku palabra di nganu, mesmu ke ten roson.

Tiagu 1:19

Ña kiridu ermons, bo lembra de kusa li, kuma tudu algin dibi di sta pruntu pa obi, ma pa i tarda pa papia, pa i tarda pa raiba,